Ajit Pawar Nashik : उपमुख्यमंत्री अजित पवार यांची नाशिक शहरात ग्रँड एंट्री, कार्यकर्त्यांची तोबा गर्दी, पाहा फोटो

Ajit Pawar : नाशिक जिल्ह्याचे सारथ्य हे पुढील काळात पुन्हा एकदा भुजबळांकडेच राहील, अशी चर्चा कार्यकर्त्यांमध्ये रंगली होती.

Ajit Dada Sameer Bhujbal

'शासन आपल्या दारी ' या योजनेच्या निमित्ताने नाशिक दौऱ्यावर आलेल्या उपमुख्यमंत्री अजित पवार यांच्या वाहनाचे सारथ्य आज माजी खासदार समीर भुजबळ हे करताना दिसून आले.

या वाहनात मंत्री छगन भुजबळ, आ. माणिकराव कोकाटे, आ.दिलीप बनकर हे मागील सीटवर तर अजितदादा हे पुढील सीटवर बसलेले होते...

नाशिक जिल्ह्याचे सारथ्य हे पुढील काळात पुन्हा एकदा भुजबळांकडेच राहील अशी चर्चा या निमित्ताने शासकीय विश्रागृहावरून गाड्यांचा ताफा निघाल्यानंतर कार्यकर्त्यांमध्ये रंगली होती.

राज्याचे उपमुख्यमंत्री अजित पवार यांचे आज नाशिक रोड रेल्वे स्थानकात आगमन होताच पदाधिकारी कार्यकर्त्यांच्या वतीने ढोलताशा वाजवत, फटाक्यांची आतषबाजी व पुष्पवृष्टी करत नाशिक शहरात जल्लोषात स्वागत करण्यात आले.

राज्याचे उपमुख्यमंत्री अजितदादा पवार हे आज शासन आपल्या दारी कार्यक्रमासाठी नाशिक दौऱ्यावर आहे. सकाळी ९ वाजेच्या वंदे भारत एक्सप्रेसने नाशिकरोड रेल्वे स्थानकात त्यांचे आगमन झाले.

नाशिकरोड येथील डॉ. बाबासाहेब आंबेडकर व छत्रपती शिवाजी महाराज यांच्या पुतळ्यास पुष्पहार अर्पण करत अभिवादन केले.

नाशिकरोड येथून मोटारसायकल रॅली काढत नाशिक रोड ये शासकीय विश्रामगृहापर्यंत त्यांचे शहरात ठिकठिकाणी जल्लोषात स्वागत करण्यात आले. या प्रसंगी माजी खासदार समीर भुजबळ यांनी त्यांच्या गाडीचे सारथ्य केले.

नाशिक शहरात त्यांचे नाशिक रोड, छत्रपती शिवाजी महाराज चौक, दत्त मंदिर, उपनगर, द्वारका, मुंबईनाका चौकासह ठिकठिकाणी फटाक्यांची आतषबाजी करत फुलांची उधळण करत जल्लोषात स्वागत करण्यात आले.

जेसीबीमधून पुष्पवृष्टी करत क्रेनच्या सहायाने हार घालण्यात आला. यावेळी पदाधिकारी कार्यकर्त्यांची व नाशिककरांची अभूतपूर्व गर्दी बघावयास मिळाली.

नाशिक जिल्ह्याचे सारथ्य हे पुढील काळात पुन्हा एकदा भुजबळांकडेच राहील, अशी चर्चा या निमित्ताने कार्यकर्त्यांमध्ये रंगली होती.