Mumbai Rain updates: मुंबईत सकाळी 10 वाजता अंधार, वेस्टर्न एक्स्प्रेस हायवेवर वाहनांचे हेडलाईट ऑन, प्रचंड वाहतूक कोंडी PHOTO

Mumbai Rain updates: सांताक्रुझ विलेपार्ले,अंधेरी, जोगेश्वरी, गोरेगाव, मालाड या सर्व भागांमध्ये मोठी वाहतूक कोंडी निर्माण झाली आहे.

Mumbai Rain updates

मुंबईच्या पश्चिम उपनगरात पावसाचा जोर वाढला आहे. तर दक्षिण मुंबईतीही अतिमुसळधार पाऊस कोसळत आहे.

अंधेरी, वांद्रे, गोरेगावर परिसरात सगळीकडे अंधार झालेला आहे. मुंबईत रात्रभर तुफान पाऊस झाला. तर आज सकाळी देखील मुसळधार पाऊस सुरु आहे.

मुंबईत आज पहाटेपासून सुरू असलेला मुसळधार पावसामुळे पश्चिम द्रुतगती महामार्गावर प्रचंड मोठी वाहतूक कोंडी निर्माण झाली आहे.

पश्चिम द्रुतगती महामार्गावर बोरिवलीकडून वांद्रेच्या दिशेने जाणाऱ्या मार्गावर मोठ्या प्रमाणात वाहतूक कोंडी दिसत आहे.

सांताक्रुझ विलेपार्ले,अंधेरी, जोगेश्वरी, गोरेगाव, मालाड या सर्व भागांमध्ये मोठी वाहतूक कोंडी निर्माण झाली आहे.

बोरिवली ते वांद्रे हा एक तासाचा प्रवासआहे. मात्र वाहन चालकांना दोन ते अडीच तासांमध्ये पार करावा लागत आहे.

पश्चिम उपनगरात ढगाळ वातावरण असून जोरदार पाऊस सुरू असल्यामुळे रस्त्यावर व्हिजिबिलिटी खूप कमी आहे. त्यामुळे वाहन चालक हेडलाईट चालू करून गाड्या चालवत आहेत.

सध्या ही वाहतूक कोंडी काढण्याचा प्रयत्न वाहतूक पोलिसांकडून युद्धपातळीवर सुरू आहे.