PHOTO : भरधाव कारमुळं दोन लेकरांच्या डोक्यावरुन मायेचं छत्र हिरावलं; अपघातानं संपूर्ण मुंबई शहर हादरलं!

Malad Accident Latest Updates : मुंबईतील मालाडमध्ये घडलेल्या घटनेनं पुन्हा एकदा वरळीतील हिट अँड रन अपघात प्रकरणाच्या आठवणी ताज्या केल्या आहेत.

Mumbai Crime News

मुंबईच्या मालाडमध्ये भरधाव कारनं मेहंदी क्लासवरुन घरी परतणाऱ्या महिलेला धडक दिली आहे. या घटनेत ड्रायव्हरनं महिलेला आधी चिरडलं आणि त्यानंतर डिव्हायडरपर्यंत फरफटत नेलं. महिलेचा मृत्यू झाला आहे.

मेहंदी क्लास संपवून पायी घरी जात असताना जाणाऱ्या 27 वर्षीय महिलेला कारनं धडक दिली आहे. मंगळवारी रात्री अकराच्या सुमारास ही धक्कादायक घटना घडली.

महिला मेहंदी क्लास संपवून ती घरी परतत होती, तेवढ्यात एका आलीशान कारनं तिला जोरदार धडक दिली. महिलेला धडक दिल्यानंतरही आरोपीनं गाडी थांबवली नाही. त्यानं महिलेला डिव्हायडरपर्यंत फरफटत नेलं.

दुर्दैवी घटनेत महिलेचा मृत्यू झाला आहे. चालकानं महिलेला रुग्णालयात नेलं, पण उपचारापूर्वीच महिलेला डॉक्टरांनी मृत घोषित केलं. नागरिकांकडून चालकाला बेदम मारहाण करण्यात आली असून चालक मर्चंट नेव्हीचा कर्मचारी असल्याची माहिती मिळत आहे.

अपघातानंतर स्थानिकांनी तात्काळ घटनास्थळी धाव घेतली. त्यानंतर प्रत्यक्षदर्शी आणि कार चालकाने महिलेला रुग्णालयात दाखल केले, पण उपचारापूर्वीच महिलेचा मृत्यू झाला होता. महिलेच्या पश्च्यात पती आणि दोन लहान मुली आहेत.

महिलेला गाडीखाली चिरडल्यानंतर प्रत्यक्षदर्शींनी नागरिकांकडून चालकाला बेदम मारहाण केली आहे. त्याला पकडून ठेवलं. यामध्ये चालकही गंभीर जखमी झाला होता.

पोलिसांच्या वतीनं देण्यात आलेल्या माहितीनुसार, मुंबईतील मालाड परिसरात काल (मंगळवारी) रात्री भरधाव कारनं दिलेल्या धडकेत 27 वर्षीय महिलेचा मृत्यू झाला आहे.

आरोपी चालकानंच जखमी महिलेला रुग्णालयात नेलं, तिथे डॉक्टरांनी तिला मृत घोषित केलं. मालाड पोलिसांनी आरोपीविरुद्ध गुन्हा दाखल करून त्याला अटक केली आहे. याप्रकरणी पुढील तपास सुरू आहे.