PHOTO : वैभववाडी तालुक्यात चक्रीवादळासह अवकाळी पावसाचा तडाखा; घरांचे नुकसान

Sindhudurg unseasonal rains

उन्हाचा कडाका असतानाही सिंधुदुर्गाला मात्र काल अवकाळी पावसाचा तडाखा बसला आहे. वादळी वारे आणि मुसळधार पावसामुळे अनेक घरांचे मोठ्या प्रमाणात नुकसान झाले. जिल्ह्यातील वैभववाडी तालुक्यात दरम्यान वादळी वाऱ्यासह अवकाळी पावसाने हजेरी लावली. पावसामुळे प्रचंड उकाड्याने हैराण झालेल्या नागरिकांना यामुळे दिलासा मिळाला. पण असं असलं तरी या अवकाळी पावसामुळे अनेकांचं मोठ्या प्रमाणात नुकसान झालं आहे.

वैभववाडी तालुक्यात गुरवारी दिवसभर ढगाळ वातावरण होते. मात्र सायंकाळी तालुक्यातील काही भागात चक्रीवादळासह अवकाळी पावसाचा फटका बसला आहे.

वैभववाडी तालुक्यातील अरूळे गावात चक्रीवादळाचा फटका बसला आहे. गावातील अनेकांच्या घरांचे मोठ्या प्रमाणावर नुकसान झाले. वाऱ्यामुळे गावातील अनेक घरांवरी पत्रे, कौलं उडून गेली. त्यामुळे घरातील सर्व वस्तूंचे बरेच नुकसान झाले आहे. अचानक आलेल्या पावसामुळे सगळ्याचेच हाल झाले.

वादळी वाऱ्यासह झालेल्या नुकसानामध्ये महेश बेळणेकर, अशोक रावराणे, कृष्णा जाधव, महादेव कर्ले, प्रकाश पांचाळ या गावकऱ्यांचे मोठ्या प्रमाणावर नुकसान झाले आहे

चक्रीवादळासोबत अवकाळी पावसाने अरुळे गावात झाडांचं देखील नुकसान झालं आहे. चक्रीवादळामुळे झाडं उन्मळून पडली आहेत. परंतू अवकाळी पावसाने झालेल्या नुकसानीचा पंचनामा अद्याप झालेला नाही.