Pandharpur News : पंढपुरात बंदची हाक, ठिकठिकाणी रास्ता रोको; जालन्यातील घटनेचे राज्यभरात पडसाद

Pandharpur News : मराठा आंदोलकांवर झालेल्या लाठी हल्ल्याच्या निषेधार्थ आज पंढरपूर मध्ये कडकडीत बंद पाळण्यात आला.

Pandharpur News

सध्या श्रावण महिना असल्याने हजारोंच्या संख्येने भाविक शहरात येत आहेत .

मात्र आजच्या बंदमध्ये सर्व बाजारपेठ सामील झाल्याने शहरातील दुकाने सकाळीपासूनच बंद असल्याचं चित्र आहे .

शहरात ठिकठिकाणी आंदोलक शासनाच्या विरोधात घोषणाबाजी करताना दिसत आहेत .

वाखरी ग्रामपंचायतीने तर शासन आपल्या दारी या कार्यक्रमात या घटनेचा निषेध करण्याचा ठराव केला आहे .

रविवार सकाळपासूनच शहरातील छत्रपती शिवाजी महाराज चौक , डॉ बाबासाहेब आंबेडकर चौक , सावरकर चौक , महात्मा फुले चौक , प्रदक्षिणा मर्द , मंदिर परिसर अशा महत्वाच्या ठिकाणी मोठ्या प्रमाणात पोलीस बंदोबस्त तैनात करण्यात आला आहे .

शहर आणि परिसरात कोणताही अनुचित प्रकार घडला नसला तरी प्रशासनाने मोठ्या प्रमाणात खबरदारी घेतली आहे .

तालुक्यातील विविध मार्गावर रास्ता रोको सुरु असल्याने एसटी बस वाहतुकीवर देखील मोठा परिणाम झाला आहे .

जालन्यातील मराठा आंदोलकांवर करण्यात आलेल्या लाठीचार्जचे पडसाद सध्या संपूर्ण महाराष्ट्रात उमटत आहेत.

पंढपुरात देखील या घटनेचे परिणाम झाल्याचं पाहायला मिळालं.

तर पंढपुरात पोलीस प्रशासन सतर्क असल्याचं पाहायला मिळत आहे.