Rakshabandhan 2022 : केळाच्या खोडापासून राष्ट्रध्वजाच्या रंगाच्या पर्यावरण पूरक राख्या

पालघरमधील महिला बचत गटाने तयार केलेल्या तिरंगा रंगाच्या राख्या पोहचणार सैनिकांपर्यंत

rakshabandhan 2022

पालघरमधील वाडा तालुक्यातील तुसे या गावातील महिला बचत गटाने पर्यावरण पोषक असणाऱ्या केळीच्या खोडापासून म्हणजे बनाना फायबर पासून राष्ट्रद्वजाच्या रंगाच्या राख्या तयार केल्या आहेत.

विशेष म्हणजे या सर्व राख्या देशाच्या वेगवेगळ्या सीमा भागात रक्षण करणाऱ्या सैनिकांपर्यंत पोहचवल्या जाणार आहेत.

आझादी का अमृत महोत्सवाचे औचित्य साधत पालघर मधील वाडा तुसे येथील समर्थ ग्रामसंघांतर्गत तयार करण्यात आलेल्या बचत गटाकडून हा अनोखा उपक्रम केला जातो

आतापर्यंत या बचत गटाला सत्तर हजार राख्यांची ऑर्डर मिळाली आहे.

केळीच्या खोडापासून म्हणजे बनाना फायबर पासून अत्यंत बारीक काम करून या सुबक राख्या तयार करण्यात आल्या आहेत.

या राख्यांना दिलेल्या तिरंग्याच्या रंगामुळे या राख्या आणखी आकर्षक झाल्या आहेत.

बनाना फायबरपासून तयार केल्या जाणाऱ्या या राख्यांना बनवण्यासाठी जवळपास 50 रुपये इतका खर्च येत आहे.

या राख्या मुंबई - ठाणे शहरातही आता उपलब्ध होणार आहेत. शिवाय स्वयंरोजगारावर उभ्या राहू पाहणाऱ्या महिलांना स्थानिक पातळीवर रोजगार देखील उपलब्ध होतोय.