'मी अजित आशा अनंतराव....' कार्यकर्त्यांचं प्रेम व्हायरल, अजित पवारांनी कापला 'मुख्यमंत्री' लिहिलेला केक

Ajit Pawar : उपमुख्यमंत्री अजित पवारांच्या वाढदिवसानिमित्त कार्यकर्त्यांमध्ये जल्लोषाचं वातावरण पाहायला मिळत आहे.

अजित पवारांच्या वाढदिवसानिमित्ताने त्यांच्या केकची जोरदार चर्चा रंगतेय.

पिंपरी चिंचवडच्या सांगवीतील आदिराज शितोळे आणि समर्थकांनी वाढदिवसानिमित्त मुख्यमंत्री पदासाठी शुभेच्छा देणार केक आणला होता.

त्यावर अजित आशा अनंतराव पवार महाराष्ट्र राज्याच्या मुख्यमंत्री पदाची शपथ घेतो की... असा उल्लेख करण्यात आला आहे.

अजित पवारांनी देखील हा केक कापत शुभेच्छा स्वीकारल्या.

अजित पवारांच्या वाढदिवसानिमित्त पिंपरीमध्ये आयोजित कार्यकर्ता मेळाव्यात केक कापण्यात आला.

पाच थरांच्या या केकवर उपमुख्यमंत्री अजित पवार असा उल्लेख करण्यात आला होता.

अजित पवार गटाचे पदाधिकारी विलास लांडे यांनी खास अजित पवारांसाठी हा केक तयार करुन घेतला होता.

त्याचप्रमाणे अजित पवारांनी मुख्यमंत्री व्हावं ही मागणी देखील त्यांच्या वाढदिवसानिमित्त कार्यकर्त्यांकडून व्हायला लागली आहे.