ST Bus Accident : जालना-पुसद मुंबई एसटीला अपघात; बस 30 फूट खाली कोसळली, 22 जखमी

ST Bus Accident: एका आयशरला ओव्हरटेक करताना एसटी 30 फूट खाली कोसळल्याने अपघात झाला. यात 22 जण जखमी झाले आहेत.

ST Bus Accident : जालना-पुसद मुंबई एसटीला अपघात; बस 30 फूट खाली कोसळली, 22 जखमी

जालना जिल्ह्यातील मंठा तालुक्यातल्या केंदळी फाट्याजवळ एसटी बसला अपघात झाला आहे.

पुसदवरून मुंबईकडे जाणारी एसटी बस रस्त्याच्या बाजूला 30 फूट खाली कोसळली.

या अपघातात 22 प्रवासी किरकोळ जखमी झाल्याची माहिती आहे.

तर तीन प्रवाशांना अधिक उपचारासाठी जालना येथील रुग्णालयात दाखल करण्यात आले आहे. एसटी बसमध्ये एकूण 42 प्रवासी होते.

केंदळी फाट्याजवळ पुलाचे काम सुरू असलेल्या ठिकाणी समोर असलेल्या आयशरला ओव्हरटेक करताना हा अपघात झाला.

एसटी चालकाचे नियंत्रण सुटून ही बस रस्त्या लगत 30 फूट खाली कोसळली असल्याचे म्हटले जात आहे.

यावेळी स्थानिक नागरिक आणि पोलिसांच्या मदतीने प्रवाशांना बाहेर काढून मंठा येथील प्राथमिक आरोग्य केंद्रात उपचारासाठी हलवण्यात आलं.

मागील काही महिन्यांपासून एसटीच्या अपघातात वाढ होत असल्याचे चित्र आहे.

खराब रस्ते आणि गाड्या खराब यामुळे अपघाताचे प्रमाण वाढले असल्याचे म्हटले जात आहे.

स्थानिक आणि पोलिसांनी जखमी प्रवाशांना तातडीने रुग्णालयात दाखल केले.

जिल्हाधिकारी श्रीकृष्णनाथ पांचाळ आणि पोलीस अधीक्षक तुषार दोषी यांनी जिल्हा रुग्णालयात भेट देऊन जखमींची विचारपूस केली.