बापापुढे पूरही हरला, तापानं फणफणलेल्या मुलाला कडेवर घेऊन त्याने काढला मार्ग

chandrapur

तापानं फणफणलेल्या मुलाला कडेवर घेऊन बापाने पुरातून वाट काढली.

पोराला वाचवण्यासाठी बाप चक्क पुराला भिडल्याची घटना समोर आली आहे. तापानं फणफणलेल्या मुलाला कडेवर घेऊन त्याने पाण्यातून मार्ग काढला.

तापानं फणफणलेल्या मुलाला कडेवर घेऊन एका बापाने पुरातून वाट काढल्याची घटना चंद्रपूर जिल्ह्यात समोर आली आहे.

गोंडपिपरी तालुक्यातील पोडसा गावातील आज सकाळची ही घटना असून या घटनेने ग्रामीण भागातील आरोग्य व्यवस्थेची दुर्दशा पुन्हा एकदा समोर आली आहे.

वर्धा नदीला आलेल्या पुरामुळं पोडसा गावाला बेटाचं स्वरूप आलंय. त्यातच श्यामराव गिनघरे यांचा मुलगा कार्तिक तापाने फणफणत होता.

गावात दवाखाना नसल्याने शामराव यांनी मुलाला कडेवर घेऊन या पुरातून वाट काढली.

गावापासून 5 किलोमीटरवर असलेल्या वेडगाव येथील खाजगी डॉक्टरचे त्याने घर गाठले.