Hyundai i20 Facelift : Hyundai चे नवीन i20 फेसलिफ्ट हॅचबॅक भारतात लाँच; नवीन कारचे फोटो पाहा

Hyundai Cars : Hyundai i20 Facelift या कारमध्ये 6 एअरबॅग्ज, इलेक्ट्रॉनिक नियंत्रण (ESC),हिल असिस्ट कंट्रोल (HAC) यांसह अनेक वैशिष्ट्य आहेत.

Auto news

Facelifted i20 लाँच केले: Hyundai Motor India ने आज आपल्या प्रीमियम हॅचबॅक i20 चे फेसलिफ्ट मॉडेल भारतात लाँच केले आहे. यात काही स्टायलिंग बदल आणि फीचर अपग्रेड्स मिळतात.

फेसलिफ्टेड मॉडेलचे सर्वात मोठे वैशिष्ट्य म्हणजे पॅरामेट्रिक डिझाइन घटकांसह नवीन एलईडी हेडलॅम्प आणि फ्रंट ग्रिलमध्ये एम्बेड केलेले डीआरएल. त्याच्या फ्रंटला नवीन 2D Hyundai लोगोसह एक नवीन रूप देण्यात आले आहे.

याच्या इंटिरिअरला ड्युअल टोन ग्रे आणि ब्लॅक इंटीरियरसह सेमी लेदरेट सीट डिझाईन आणि लेदरेट अप्लाईड डोअर आर्मरेस्ट देण्यात आला आहे आणि त्याला नवीन डी-कट स्टीयरिंग व्हील आणि BOSE प्रीमियम 7 स्पीकर सिस्टम आणि सी-टाइप यूएसबी चार्जर देखील मिळतो.

या कारमध्ये 6 एअरबॅग्ज, इलेक्ट्रॉनिक नियंत्रण (ESC),हिल असिस्ट कंट्रोल (HAC),व्हेईकल स्टॅबिलिटी मॅनेजमेंट (VSM),3-पॉइंट सीट यांचा समावेश आहे. सर्व सीट्ससाठी बेल्ट रिमाइंडरसह इतर वैशिष्ट्ये समाविष्ट आहेत. ही कार नवीन Amazon Grey सह 6 मोनोटोन आणि 2 ड्युअल-टोन कलर पर्यायांमध्ये सादर करण्यात आली आहे.

टर्बो पेट्रोल आता या कारच्या लाईनअपमधून काढून टाकण्यात आले आहे, कारण i20 मध्ये आता फक्त 1.2 पेट्रोल इंजिन आहे. या 1.2 पेट्रोल इंजिनमध्ये Idle Stop and Go (ISG) फीचर देण्यात आले आहे.

मॅन्युअल ट्रान्समिशन मॉडेलच्या एक्स-शोरूमच्या किंमती 6.99 लाख रूपयांपासून सुरू होतात, ज्या टॉप-एंड 1.2L iVT ट्रान्समिशन मॉडेलसाठी रु. 11 लाखांपर्यंत जातात. ही नवीन i20 मारुती सुझुकी बलेनो आणि टाटा अल्ट्रोझशी स्पर्धा करणार आहे.