एक्स्प्लोर

Sleep Hygiene Benefits : स्लीप हायजीन म्हणजे काय? पुरेशा झोपेसाठी 'हे' उपाय करा

स्लीप हायजीन म्हणजे काय? चांगल्या झोपेसाठी करा हे काही सोपे उपाय.

By : एबीपी माझा वेब टीम | Updated at : 25 Sep 2023 12:02 PM (IST)

Sleep Hygiene Benefits

1/10

गेल्या काही वर्षांत झोपेशी संबंधित समस्यांचे प्रमाण लक्षणीय वाढले आहे. अपुऱ्या झोपेचा मानसिक विकासावरच नव्हे तर शारीरिक विकासावरही परिणाम होतो. चांगली झोप ही व्यक्तीच्या विकासात महत्त्वाची भूमिका बजावू शकते.

2/10

काही लोक झोपेत चालतात किंवा रात्रभर जागेच राहतात. अशा लोकांना नैराश्य आणि मानसिक तणाव या समस्या मोठ्या प्रमाणात उद्भवतात. याकरता स्लीप हायजीन गरजेची आहे.

3/10

स्लीप हायजीन म्हणजे काय? : स्लीप हायजीन म्हणजे झोपेच्या चांगल्या सवयी. व्यक्तीच्या मानसिक आणि शारीरिक आरोग्यासाठी तसेच निरोगी आयुष्यासाठी चांगली झोप महत्वाची आहे. झोप व्यवस्थित झाली नाही तर त्याच्या कामावर परिणाम होऊ शकतो. जीवनशैलीत छोटे बदल करुन झोपेची गुणवत्ता सुधारली जाऊ शकते. जर तुम्हाला नीट झोप येत नसेल तर रात्री झोपण्यापूर्वी काही चांगल्या सवयी लावता येतील.

4/10

झोपेचे वेळापत्रक बनवा : चांगल्या झोपेसाठी 7 ते 8 तासांच्या झोपेचे वेळापत्रक बनवणे फार महत्वाचे आहे. यामुळे दिवसा झोप आणि आळस कमी होईल. तसेच पूर्ण झोपेमुळे तुम्हाला फ्रेश वाटेल.

5/10

गरम पाण्याने आंघोळ करा : स्लीप हायजीनचा एक भाग म्हणून तुम्ही झोपण्यापूर्वी गरम पाण्याने आंघोळ करु शकता. यामुळे शरीराच्या स्नायूंना आराम मिळू शकतो आणि तुम्हाला लगेच झोप लागण्यास मदत होऊ शकते.

6/10

इलेक्ट्रॉनिक उपकरणे बंद करा : मोबाईल फोन आणि लॅपटॉप झोपण्याच्या सुमारे 30 मिनिटे आधी बंद करावेत. स्क्रीनवरील प्रकाश तुमची झोप बिघडवू शकतो.

7/10

व्यायाम करा : झोपण्यापूर्वी अंथरुणावर व्यायाम करता येतो. यामुळे शरीराला आराम मिळण्यास मदत होऊ शकते. व्यायाम करुन झाल्यावर थंड दूध पिऊन झोपावे. असे केल्यास तुम्हाला शांत झोप येऊ शकते.

8/10

कॉफीचे सेवन कमी : रात्री चांगली झोप येण्यासाठी दिवसा कॉफीचे सेवन कमी करा. सकाळी कॉफीचे सेवन करणे फायदेशीर ठरु शकते.

9/10

बेडचा योग्य वापर : बेडचा वापर फक्त झोपतानाच करावा. बेडचा वापर वाचताना, काम करताना, फोनवर बोलताना किंवा टीव्ही पाहताना करु नये. असे केल्यास आळसामुळे तुम्हाला झोप येऊ शकते.

10/10