Ashadhi Ekadashi : आषाढी एकादशी निमित्त जळगावातील संत मुक्ताई मंदिर समाधी स्थळी ओल्या खजुराची आरास

जळगावातील मुक्ताईनगर तालुक्यातील श्री संत मुक्ताबाई समाधीस्थळ श्रीक्षेत्र कोथळी इथे आज आषाढी एकादशी निमित्त ओल्या खजुराची नयनरम्य आरास करण्यात आली आहे.

Sant Muktai Samadhi Sthal Decoration

जळगावातील मुक्ताईनगर तालुक्यातील श्री संत मुक्ताबाई समाधीस्थळ श्रीक्षेत्र कोथळी इथे आज आषाढी एकादशी निमित्त ओल्या खजुराची नयनरम्य आरास करण्यात आली आहे.

राष्ट्रवादी काँग्रेसचे नेते आ. एकनाथ खडसे यांच्या शेतातील खजुरांची ही आरास केली आहे.

आज देवशयनी आषाढी एकादशी निमित्त श्री संत मुक्ताई मुळमंदिरात पहाटेपासूनच भाविकांच्या रांगा दर्शनासाठी लागल्या आहेत.

आमदार एकनाथ खडसे यांच्या शेतातील सव्वा क्विंटल ताज्या बरई खजुराची आरास भाविकांचे लक्ष वेधून घेत आहे.

संदीप महाराज मोतेकर यांनी मंगल काकड आरती आणि महापूजा केली.

जे भाविक आषाढी एकादशीला पंढरपूरला जाऊ शकले नाही ते मुक्ताई दर्शनातच पांडुरंगाचे दर्शन घेतात अशी ख्याती आहे

त्यामुळे दिवसभर हजारो भाविक दर्शनाकरता येतील असा अंदाज आहे.

सकाळी पाऊस आल्याने भाविकांच्या दर्शनाचा आनंद द्विगुणित झाला.

दुपारी प्रवचन कीर्तन रात्री हरिजागर आदि कार्यक्रम आयोजन करण्यात आले आहेत.