Kitchen Tips: मिक्सरमध्ये 2 मिनिटांत पीठ मळण्याची सोपी ट्रिक; पाहा 'हा' अनोखा पर्याय

सकाळी उठून घरातल्या सर्वांच्या डब्यासाठी चपात्यांचं पीठ मळणं हे गृहिणींसाठी फार कंटाळवाणं काम असतं. त्यात चपाती हा रोजच्या आहारातील मुख्य घटक असल्याने ते टाळताही येत नाही, त्यामुळे यावर एक पर्याय आहे.

How to knead super soft dough

मऊ चपात्या बनवायच्या असतील तर योग्य पद्धतीने पीठ मळणं गरजेचं असतं, पण अनेकदा आपल्याला पीठ मळण्याचा कंटाळा येतो. तर आज आपण मिक्सरच्या सहाय्याने अगदी काही मिनिटांत पीठ कसं मळायचं? हे पाहणार आहोत.

यासाठी प्रथम मिक्सरचं भांडं घ्यावं आणि त्यात गव्हाचं पीठ ओतून घ्यावं.

यानंतर गव्हाच्या पिठात थोडं मीठ टाकावं.

गरजेनुसार पाणी आणि तेल टाकून मिक्सरचं झाकण लावून मिक्सर सुरू करावा.

प्रथम मिक्सर हळूहळू फिरवून घ्या, सुरुवातीलाच एकदम वेगाने फिरवू नये.

आता मिक्सरच्या भांड्यात हळूहळू पिठाचा गोळा तयार होताना दिसेल. गरज असल्यास यात तुम्ही पाणी घालू शकतात.

त्यानंतर तयार झालेला पिठाचा गोळा काढून घ्यावा.

पिठाचे छोटे छोटे गोळे करुन चपात्या लाटून घ्याव्या.