Health Tips : जास्त सफरचंदाचे सेवन करताय? 'या' गोष्टी लक्षात घ्या

Health Tips : जास्त सफरचंद खाल्ल्याने शरीराला अनेक समस्या निर्माण होतात. याबद्दल सविस्तर माहिती जाणून घ्या.

Apple

सफरचंद आरोग्यासाठी फायदेशीर मानले जातात. साधारण ऑक्टोबर महिन्यात बाजारात सफरचंद जास्त प्रमाणात दिसू लागतात.

याचं कारण असं की, ऑक्टोबर महिन्यात सणवार देखील बरेच असतात. या निमित्ताने उपवास केले जातात. अशा वेळी अनेकजण सफरचंद खाणं पसंत करतात.

मात्र, अतिप्रमाणात सफरचंदाचे सेवन करणं तुमच्या आरोग्यासाठी हानिकारक ठरू शकते. कारण यामुळे तुमच्या रक्तातील साखर वाढू शकते.

सफरचंद फायबर, व्हिटॅमिन सी, कार्बोहायड्रेट्स यांसारख्या अनेक आवश्यक पोषक तत्वांनी समृद्ध आहे, परंतु जर तुम्ही त्याचे जास्त सेवन केले तर रक्तातील साखर वाढण्याची देखील शक्यता असते.

मीडिया रिपोर्ट्सनुसार, सफरचंदाचे जास्त सेवन केल्याने रक्तातील साखरेची पातळी वाढू शकते. त्यामुळे याचे सेवन मर्यादित प्रमाणात करा.

सफरचंदांमध्ये फ्रक्टोज आढळतो, ज्याचे प्रमाण जास्त रक्तातील यकृत आणि हृदयाच्या आरोग्यावर परिणाम करू शकते.

सफरचंदाच्या अतिसेवनामुळे तुम्हाला ऍलर्जीचा त्रास होऊ शकतो. काही लोकांना सफरचंद खाल्ल्यानंतर त्वचेवर खाज येणे, पुरळ उठणे यासारख्या समस्या उद्भवू शकतात. त्यामुळे याचे जपून सेवन करा.

टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.