एक्स्प्लोर

कंगनाच्या ऑफिसवर महापालिकेची कारवाई; हायकोर्टाच्या निर्णयानंतर कारवाई थांबवली

1/9

हातोडा, फावडा, कुदळ घेऊन आलेल्या 50 पेक्षा जास्त मनपा कर्मचाऱ्यांनी कारवाई केली.

2/9

अभिनेत्री कंगना रनौतच्या मुंबईतील कार्यालयातील अनधिकृत बांधकामावरील कारवाई बीएमसीने तूर्तास थांबवली आहे. तोडकाम करण्यासाठी कार्यालयात गेलेल महापालिकेचे कर्मचारी साहित्य घेऊन बाहेर आले असून जेसीबीही रवाना झाला आहे.

3/9

कंगनाच्या पाली हिलमधील कार्यालयाबाहेर मोठा पोलीस फौजफाटा तैनात करण्यात आला आहे. महापालिकेचे अधिकारी आणि कर्मचारी दाखल झाले होते.

4/9

महापालिकेने कंगनाच्या कार्यालयाच्या तळमजल्यावर कारवाई सुरु केली आहे. कार्यालयातील 12 अनधिकृत बांधकामावर कारवाई केली जाणार आहे.

5/9

कार्यालयातील तळमजल्यावर तोडकाम केलं. तसंच कार्यालयाची संरक्षक भिंत तसंच कंपाऊंडवर जेसीबी चालवण्यात आला. यानंतर कंगनाचे वकील रिझवान सिद्दिकी तिथे पोहोचले. त्यानंतर ही कारवाई काही काळ थांबवण्यात आली.

6/9

माझ्या घरात कोणतंही अवैध बांधकाम नाही. तसंच कोरोना काळात 30 सप्टेंबरपर्यंत कोणत्याही तोडकामावर सरकारने बंदी घातली आहे. फॅसिझम असंच काहीसं असंच असतं, असं ट्वीट कंगना रनौतने केलं आहे.

7/9

कंगनाच्या कार्यालयाच्या बांधकामाबाबत तक्रारी आल्या होत्या. त्यांना उत्तर देण्यासाठी मुदत दिली होती. महापालिका सगळ्यांना वेळ देते. अवैध बांधकामावर कारवाई केली नाही तर तुम्हीच बोलणार. ही कारवाई अवैध बांधकामावरच होत आहे. नियमित बांधकामावर होत नाही, अशी प्रतिक्रिया मुंबईच्या महापौर किशोरी पेडणेकर यांनी कारवाईबाबत दिली.

8/9

महापालिकेने दोन कॅमेऱ्यातून या कारवाईचं चित्रीकरण केलं आहे.

9/9

एकीकडे कंगना रनौत मुंबईला येण्यासाठी चंदीगडहून रवाना झाली आणि त्याचवेळी इथे मुंबईत कंगनाच्या कार्यालयातील अनधिकृत बांधकामावर कारवाईला महापालिकेने सुरुवात केली.

Published at :

Tags :

Highcourt Bmc Kangana Ranaut Sanjay Raut