Year Ender 2020: कोरोनाकाळात रिअल लाईफ हिरो ठरले ‘हे’ अभिनेते

प्रभास- आंध्र प्रदेशातील मुख्यमंत्री सहायता निधीत प्रभासनं मोठं योगदान दिलं. कोरोना क्रायसिस चॅरिटी (सीसीसी)ला त्यानं अतिरिक्त 50 लाखांची मदतही देऊ केली. कलाविश्वाशी संलग्न असणाऱ्या अनेक व्यक्तिंना त्यानं मदत देऊ केली. पंतप्रधान सहायता निधीमध्ये त्यानं तब्बल ३ कोटी रुपयांची मदत केली. २ कोटींच्या विकासनिधीसह तेलंगणामध्ये 1650 एकर भूखंडाची जबाबदारी त्यानं घेतली आहे. ज्याचं नामकरण त्याचे दिवंगत वडील उप्पलपति सूर्य नारायण राजू यांच्या नावे करण्यात येणार आहे.

सलमान खान- फेडरेशन ऑफ वेस्टर्न इंडिया सिने एम्प्लॉइज (एफडब्ल्यूआईसीई)मधील जवळपास 25 हजार दैनंदिन भत्त्यावर अवलंबून असणाऱ्या कर्मचाऱ्यांना आर्थिक मदत केली. अनेक स्पॉटबॉयचीही त्यानं मदत केली. ‘बिइंग ह्यूमन’ या संस्थेमार्फत त्यानं गरजूंपर्यंत भोजनाची सामग्री पोहोचवली. शिवाय अनेकांना त्यानं अन्नदानासाठी प्रोत्साहितही केलं.