Kantara Chapter 1 Box Office Collection Day 25: 'कांतारा चॅप्टर 1'ची धुवांधार कमाई, चौथ्या रविवारी बॉक्स ऑफिसवर धुरळा; 'छावा'चा रेकॉर्ड मोडणार?

Kantara Chapter 1 Box Office Collection Day 25:ऋषभ शेट्टीचा धमाकेदार सिनेमा 'कांतारा: अ लेजेंड चॅप्टर 1' बॉक्स ऑफिसवर अजूनही धुमाकूळ घालतोय.

Kantara Chapter 1 Box Office Collection Day 25

पहिल्या दिवसापासूनच बॉक्स ऑफिसवर ताबा मिळवलेल्या सिनेमानं रिलीजच्या 25व्या दिवशीही दमदार कमाई केली आहे.

2022 मध्ये प्रदर्शित झालेला 'कांतारा' ब्लॉकबस्टर ठरलेला. आता त्याचा प्रीक्वल 'कांतारा चॅप्टर 1' पहिल्याच दिवसापासून बॉक्स ऑफिसवर तुफान कमाई करतोय.

चित्रपटानं पहिल्याच दिवशी तब्बल 61.85 कोटींची धमाकेदार ओपनिंग केली.

पहिल्या आठवड्यात 337.4 कोटी, दुसऱ्या आठवड्यात 147.85 कोटी आणि तिसऱ्या आठवड्यात 78.85 कोटींची कमाई करत चित्रपटानं आपली ताकद दाखवून दिलीय.

कर्नाटकमध्ये या चित्रपटानं 181 कोटी, तर हिंदीत सिनेमानं 192 कोटींची कमाई केली आहे.

'कांतारा चॅप्टर 1'नं 25 व्या दिवशी कलेक्शनमध्ये 10 कोटींची भर घातली.

संपूर्ण भारतात 'कांतारा चॅप्टर 1'नं 25 दिवसांत 589.20 कोटींचा आकडा पार केला, आणि आता तो 600 कोटींकडे वाटचाल करतोय.

निर्मात्यांनी दिलेल्या माहितीनुसार, हा चित्रपट 2025 मधील सर्वाधिक कमाई करणारा चित्रपट ठरला असून, जगभरात या सिनेमानं 809 कोटी रुपयांचा टप्पा गाठला आहे.

यासह 'कांतारा चॅप्टर 1'नं 'छावा'चा 807 कोटींचा जागतिक रेकॉर्ड मोडला आहे.

होम्बाले फिल्म्सनं दिलेल्या माहितीनुसार, या चित्रपटानं पहिल्या दोन आठवड्यात 717 कोटी, तर पुढील सहा दिवसांत अजून 92 कोटींची कमाई केली आहे.