PHOTO : सलमान खानच्या चित्रपटात पलक तिवारीची वर्णी, साकारणार महत्त्वपूर्ण भूमिका!

Palak Tiwari

सलमान खानच्या (Salman Khan) आगामी 'कभी ईद, कभी दिवाली' या चित्रपटाचे नाव बदलून 'भाईजान' असे करण्यात आले आहे. 'भाईजान' चित्रपट रिलीज आधीच प्रचंड चर्चेत आहे. आधी नाव बदलल्यामुळे, तर आता या चित्रपटात अभिनेत्री श्वेता तिवारीची मुलगी पलक तिवारीच्या (Palak Tiwari) एन्ट्रीची बातमी समोर आल्यानंतर हा चित्रपट पुन्हा एकदा चर्चेत आला आहे.

श्वेता तिवारीची मुलगी पलक तिवारी हिची सलमान खानच्या 'भाईजान' चित्रपटात एन्ट्री झाल्याची बातमी समोर आल्यानंतर सोशल मीडियावर चाहत्यांकडून तिच्यावर अभिनंदनाच वर्षाव होत आहे.

श्वेता तिवारीच्या फॅन फॉलोइंगची यादी तशी मोठी आहे. यामुळेच आजकाल पलक तिवारी सर्वत्र चर्चेत आहे. पलक तिच्या आईप्रमाणे इंस्टाग्रामवर खूप सक्रिय आहे.

रिपोर्टनुसार, सलमान खानने स्वतः या चित्रपटासाठी पलक तिवारीची निवड केली आहे. पलक या चित्रपटात जस्सी गिलच्या बरोबर दिसणार असून, दोघांचा चित्रपटात खास ट्रॅक असणार आहे.

मात्र, या वृत्तांवर पलक तिवारीकडून कोणतीही प्रतिक्रिया आलेली नाही. चित्रपटाच्या निर्मात्यांनीही अद्याप अधिकृत घोषणा केलेली नाही.

सलमान खानला मनोरंजन विश्वात 'गॉडफादर' म्हटले जाते आणि सलमान खानने यापूर्वीही पलकचे कौतुक केले आहे. पलक तिवारी 'बिग बॉस 15' च्या एका एपिसोडमध्ये दिसली होती. यावेळी सलमान खानने पलकचे तोंडभरून कौतुक केले.