सलूनमध्ये जाण्यासाठी प्रियांका चोप्रानं मोडले UK Lockdown चे नियम

दरम्यान, प्रियांकाच्या आगामी चित्रपटाच्या बाबतीत सांगावं तर, ती ‘द व्हाइट टाइगर’ या चित्रपटातून झळकणार आहे. अभिनेता राजकुमार राव हासुद्धा या चित्रपटातून झळकणार आहे. याशिवाय यंदा ती ‘द मैट्रिक्स 4’ या चित्रपटातूनही झळकणार आहे.

पोलिसांत याबाबतची तक्रार जाऊनही प्रियांकावर कोणतीही कारवाई करण्यात आली नसल्याचं म्हटलं जात आहे. आगामी चित्रपटासाठीच हेअर कलर करण्यासाठी आपण इथे आल्यासंबंधीची काही कागदपत्र तिनं दाखवल्याचं कळत आहे.

सोशल मीडियावर प्रियांकाला तिच्या या भलत्याच निर्णयामुळं अनेकांच्या रोषाला आणि बोचऱ्या टीकेला सामोरं जावं लागत आहे.

अभिनेत्री प्रियांका चोप्रा मागील बऱ्याच दिवसांपासून लंडनमध्ये आहे. कोरोनाच्या वाढत्या संसर्गाच्या पार्श्वभूमीवर तेथे लागू करण्याच आलेल्या लॉकडाऊनच्या कचाट्यात ही देसी गर्ल अडकली आहे. तिथेच आता, तिला एका सलूनमध्ये पाहायला मिळालं. इथे ती तिच्या आईसोबत आली होती. मुख्य म्हणजे, प्रियांकानं सलूनमध्ये जाण्यासाठी लॉकडाऊनचे नियम मोडले.

माध्यमांमध्ये सुरु असणाऱ्या चर्चांनुसार प्रियांका, तिची आई मधू चोप्रा या एका आलिशान सलूनमध्ये जाताना दिसल्या. पोलिसांना जेव्हा याबाबतची माहिती मिळाली तेव्हा मात्र एकच गोंधळ झाला. पोलिसांनी लगेचच हे सलून बंद करण्याचे आदेश दिले.