Tapsee Pannu Movie: डोळ्यांवर पट्टी, हातात शस्त्र अन् खतरनाक अॅक्शन! महाभारतापासून प्रेरित आहे तापसी पन्नूची ‘ गांधारी’? OTTवर घालणार धुमाकूळ
या व्यक्तिरेखेच्या माध्यमातून आजच्या काळातील काही विषयांकडे वेगळ्या दृष्टिकोनातून पाहण्याचा प्रयत्न चित्रपटात केला जाण्याची शक्यता आहे.
Gandhari Movie OTT: बॉलिवूड अभिनेत्री तापसी पन्नू (Tapsee Pannu) ही आपल्या दमदार अभिनयासाठी ओळखली जाते. तापसीने आतापर्यंत अनेक दर्जेदार चित्रपटांमध्ये आपल्या अभिनयाची छाप पाडली आहे. आता ती पुन्हा एका वेगळ्या आणि हटके भूमिकेत प्रेक्षकांच्या भेटीला येणार आहे. तापसीच्या आगामी ‘ गांधारी’ या चित्रपटाची सध्या जोरदार चर्चा सुरू आहे. या चित्रपटाबाबत आता एक नवी माहिती समोर आली आहे.
महाभारतापासून प्रेरित आहे तापसीची ‘ गांधारी’?
तापसी लवकरच ‘ गांधारी’ या चित्रपटात दिसणार आहे. हा चित्रपट एक अॅक्शन थ्रिलर असणार आहे. या भूमिकेसाठी तापसीने मोठी मेहनत घेतली असून तिने अनेक अॅक्शन सीन्सही केले आहेत. या चित्रपटातील सर्वात लक्षवेधी गोष्ट म्हणजे तापसी डोळ्यांवर पट्टी बांधून अॅक्शन सीक्वेन्स करताना दिसणार आहे. त्यामुळे ताकद, बुद्धिमत्ता आणि दृढनिश्चयावर आधारित तिच्या व्यक्तिरेखेत आणखी एक आव्हानात्मक पैलू जोडला गेला आहे.
दरम्यान, चित्रपटाबाबत आता एक महत्त्वाची माहिती समोर आली आहे. तापसीची व्यक्तिरेखा महाभारतातील गांधारीपासून प्रेरित असल्याचं सांगितलं जात आहे.
एका सूत्राने दिलेल्या माहितीनुसार, तापसीची ‘गांधारी’ ही महाभारतापासून प्रेरणा घेतलेली आधुनिक काळातील व्यक्तिरेखा असू शकते. महाभारतात गांधारी ही एक समर्पित पत्नी आणि आई म्हणून महत्त्वाची व्यक्तिरेखा होती. त्याच व्यक्तिरेखेतील काही पैलूंपासून तापसीच्या पात्राला प्रेरणा मिळाल्याचं सांगितलं जात आहे. या व्यक्तिरेखेच्या माध्यमातून आजच्या काळातील काही विषयांकडे वेगळ्या दृष्टिकोनातून पाहण्याचा प्रयत्न चित्रपटात केला जाण्याची शक्यता आहे.
तापसीने घेतली भूमिकेसाठी मोठी मेहनत
महाभारतात गांधारीला धृतराष्ट्राची समर्पित पत्नी आणि कौरवांची आई म्हणून ओळखलं जातं. धृतराष्ट्र जन्मतःच दृष्टिहीन होते. त्यामुळे पतीच्या वेदनेत सहभागी होण्यासाठी गांधारीनेही आयुष्यभर डोळ्यांवर पट्टी बांधून ठेवली होती. मात्र, तापसीच्या ‘ गांधारी’ चित्रपटाची कथा महाभारतातील कथेसारखीच असणार नाही. ही एक आधुनिक कथा असून त्यात अनेक थरारक वळणं पाहायला मिळणार असल्याचं सांगितलं जात आहे.
तापसीच्या व्यक्तिरेखेसाठी गांधारीच्या वैयक्तिक आयुष्यातील काही पैलूंपासून प्रेरणा घेण्यात आल्याचं म्हटलं जात आहे. मात्र, चित्रपटाच्या कथानकाबाबत अद्याप फारशी माहिती समोर आलेली नाही. तापसीने या चित्रपटासाठी डोळ्यांवर पट्टी बांधून अॅक्शन सीन्स केले आहेत.
Netflixवर होणार रिलीज
‘ गांधारी’ या चित्रपटाबाबत सध्या फारसे अपडेट्स समोर आलेले नाहीत. हा चित्रपट Netflixवर प्रदर्शित होणार आहे. या चित्रपटाची निर्मिती कनिका ढिल्लों यांनी केली असून देवाशीष मखीजा यांनी दिग्दर्शन केलं आहे.
तापसीची ही भूमिका तिच्या करिअरमधील महत्त्वाच्या आणि वेगळ्या भूमिकांपैकी एक ठरण्याची शक्यता आहे. त्यामुळे आता महाभारतापासून प्रेरणा घेतलेली ही आधुनिक ‘गांधारी’ प्रेक्षकांना किती भावते, हे पाहणं महत्त्वाचं ठरणार आहे.
महत्त्वाच्या बातम्या
