'लग्न टिकवण्यासाठी फक्त प्रेम...' अमृता खानविलकर सांगते संसाराची गुरूकिल्ली

Amruta Khanvilkar Shares Her Thoughts on Marriage: अमृता खानविलकर सांगते की फक्त प्रेमावर आधारित विवाह टिकत नाही. तिनं संसार टिकवण्यासाठी एक सिक्रेट सांगितलं.

Amruta khanvilkar Shares Her Thoughts on Marriage

मराठी तसेच हिंदी सिनेसृष्टीत अभिनेत्री अमृता खानविलकरनं आपल्या अभिनयाचं नाणं खणखणीत वाजवलं. ती बऱ्याचदा आपल्या वक्तव्यावरून प्रकाशझोतात येते.

तिनं अलिकडेटच लग्न या विषयावर भाष्य केलं आहे. संसार टिकवण्यासाठी फक्त प्रेम पुरेसं नसतं, असं अभिनेत्री म्हणाली.

संसाराबाबत अभिनेत्री म्हणाली, "फक्त प्रेम लग्नाला टिकवू शकत नाही. जर दोघेही कमावणारे असतील, दोघे कुटुंबाला एकत्र करू इच्छित असतील, तर त्यांनी प्रत्येक गोष्टींबाबत बोललं पाहिजे:.

"लग्न ठरवताना मुला मुलींनी,मुल हवं की नको? एकत्र कुटुंबात राहायचं की नाही? की वेगळं राहायचं? त्याचे फायदे आणि तोटे किती? संसाराच्या निगडीत अनेक प्रश्नांवर बोललं पाहिजे", असं अमृता म्हणाली.

लग्नाबाबत टीप देताना अमृता म्हणाली, "मुलांना मी एक गोष्ट अगदीच नम्रपणे सांगते, प्लीज तुम्ही ही गोष्ट इगोवर घेऊ नका".

अमृता म्हणते, "संवाद होत नसल्यामुळे अनेक लोकांचे संसार उद्धवस्त झाले आहेत. संवाद करणं हे मानवजातीला वरदान मिळालेलं आहे. आपल्याला डोकं दिलं आहे. आपल्याकडे बोलायला शब्दांचा भंडार आहे. सगळ्या गोष्टी इगोवर घेऊ नका. संवाद वाढवा".

"बऱ्याचदा बोलून विषय सुटतात. संवाद नसेल तर, काही गोष्टी इगोवर येऊ शकतात".

"संवाद हीच संसार टिकवण्यासाठीची गुरूकिल्ली आहे", असं अमृतानं स्पष्ट केलं.

"संवाद हीच संसार टिकवण्यासाठीची गुरूकिल्ली आहे", असं अमृतानं स्पष्ट केलं.

नटरंग, कट्यार काळजात घुसली, चंद्रमुखी या चित्रपटातून अभिनेत्री घराघरात पोहोचली.