Yavatmal Accident News : एसटी बसची दुचाकीला धडक; दुचाकीस्वाराचा जागीच मृत्यू, तर 68 प्रवाशी मात्र....

Yavatmal Accident News : यवतमाळ- किनवट या एसटी बसने एक दुचाकीला धडक दिली असून एसटीच्या या धडकेत दुचाकीस्वार जागीच ठार झाला आहे.

Yavatmal Accident News

यवतमाळ जिल्ह्यातून एक अपघाताची बातमी समोर आली असून यात यवतमाळ- किनवट बसला भीषण अपघात झाला आहे.

यवतमाळ- किनवट या एसटी बसने एक दुचाकीला धडक दिली असून एसटीच्या या धडकेत दुचाकीस्वार जागीच ठार झाला आहे.

तर एसटी मधील 68 प्रवाशी किरकोळ जखमी झाल्याची माहिती पुढे आली आहे.

यवतमाळच्या घाटंजी तालुक्यातील माणोली ते दहेगाव परिसरात ही घटना घडली आहे. किनवट वरून घाटंजीमार्गे यवतमाळकडे येणाऱ्या एसटी बसला हा अपघात झाला आहे.

एसटी बसच्या अपघातात दुचाकीस्वार जागीच ठार झाला असून मृतकाचे नाव नंदू चव्हाण असून तो जळका तालुका राळेगाव येथील रहिवासी असल्याचे पुढे आले आहे.

समोरून येणार्‍या दुचाकीस्वाराला वाचविण्याच्या नादात बस रस्त्याच्या खाली घसरली असल्याची प्राथमिक माहिती पुढे आली आहे. तर जखमींना घाटंजी येथील ग्रामीण रुग्णालयात उपचारासाठी दाखल केलं आहे.