IPO Update : एलजीच्या आयपीओला सेबीची मंजुरी, 15000 कोटींचा IPO आणणार, पैसे तयार ठेवा

LG Electronics India LTD IPO : एलजी इलेक्ट्रॉनिक्स इंडिया लिमिटेडचा आयपीओ लवकरच येईल. सेबीनं एलजीच्या आयपीओला मंजुरी दिली आहे.

एलजी आयपीओ

एलजी इलेक्ट्रॉनिक्स इंडियाच्या आयपीओला सेबीनं मंजुरी दिली आहे. या कंपनीची मालकी दक्षिण कोरियातील एलजी लिमिटेडकडे आहे. कंपनीला सेबीनं 15000 कोटींचा आयपीओ आणण्यास मंजुरी दिली आहे. ह्युंदाई नंतर भारतीय बाजारात आयपीओ आणणारी दक्षिण कोरियन कंपनी आहे.

एलजी इलेक्ट्रॉनिक्स इंडियाची भारतात स्थापना 1997 मध्ये झाली होती. फ्रीज, वॉशिंग मशीन, एसी, टीव्ही आणि मायक्रोव्हेवची निर्मिती कंपनी करते. देशात कंपनीची 949 सर्व्हिस सेंटर आहेत.

आर्थिक वर्ष 2024 मध्ये कंपनीचं एकूण उत्पन्न 21352 कोटी रुपये होतं. जे त्यापूर्वीच्या आर्थिक वर्षात 19868.24 कोटी रुपये होतं. वार्षिक आधारावर एलजीचं उत्पन्न वाढलं आहे. या काळात कंपनीला 1344 कोटींचा नफा झाला आहे.

आयपीओसाठी एलजीनं मॉर्गन स्टॅन्ले इंडिया प्रायव्हेट लिमिटेड, जेपी मॉर्गन इंडिया प्रायव्हेट लिमिटेड, एक्सिस कॅपिटल लिमिटेड, बोफा सिक्युरिटीज इंडिया प्रायव्हेट लिमिटेड, सिटी ग्रुप ग्लोबल इंडिया प्रायव्हेट लिमिटेडला बुक रनिंग लीड मॅनेजर म्हणून निवडण्यात आलंय, तर कॅफिन टेक्नोलॉजीला रजिस्ट्रार करण्यात आलंय.

(टीप- शेअर बाजार, म्यूच्यूअल फंड हे जोखमीच्या अधीन असतात. या लेखात दिलेली माहिती ही प्राथमिक स्वरुपाची असून आम्ही कोणताही दावा करत नाही. या लेखामागचा गुंतवणुकीसाठी शिफारस, सल्ला देण्याचा उद्देश नाही. तुम्हाला गुंतवणूक करायची असेल तर या क्षेत्रातील तज्ज्ञांचा सल्ला घ्या.)