SIP Calculator:5000 रुपयांच्या SIP द्वारे 1 कोटींचा फंड शक्य, 10, 20 आणि 30 वर्षात किती संपत्ती तयार हाईल? जाणून घ्या समीकरण

SIP Calculator 5000 Per Month: एसआयपीद्वारे म्युच्युअल फंडमधील गुंतवणूक जितक्या लवकर सुरु करता येईल तितका त्याचा फायदा होतो.

एसआयपी

SIP Return Calculation: भारतात गेल्या काही वर्षांपासून शेअर बाजारामधील गुंतवणुकीत मोठी वाढ झाली आहे. म्युच्युअल फंडमध्ये एसआयपीद्वारे गुंतवणूक करण्याचा पर्याय लोकप्रिय झाला आहे. एकाच वेळी मोठी रक्कम गुंतवण्याऐवजी दरमहा ठराविक रक्कम एसआयपीद्वारे म्युच्युअल फंडमध्ये गुंतवता येते. यामुळं रुपी कॉस्ट एवरेज आणि कम्पाऊंडिंगचा थेट फायदा मिळतो.

तुम्ही जर दरमहा 5000 रुपयांची गुंतवणूक म्युच्युअल फंडमध्ये एसआयपीद्वारे करत असाल आणि 12 टक्क्यांच्या सीएजीआर अपेक्षित धरल्यास काही दशकांमध्ये कोट्याधीश बनू शकता. 5 हजारांच्या एसआयपीद्वारे 10, 20 आणि 30 वर्षात किती फंड जमा होऊ शकतो हे जाणून घेऊयात.

तुम्ही जर 5000 रुपयांची एसआयपी 10 वर्ष सुरु ठेवल्यास गुंतवणूक 6 लाख आणि 12 टक्के सीएजीआरनुसार फंड 5 लाख 61 हजार 696 इतकी होईल. म्हणजेच एकूण फंड 11 लाख 61 हजार 696 रुपये होईल.

5000 रुपयांची एसआयपी 20 वर्ष सुरु ठेवल्यास गुंतवणूक 12 लाख रुपयांची होईल. या कालावधीत कम्पाऊंडिंगचा परिणाम पाहायला मिळेल. 12 टक्के सीएजीआरनुसार परतावा 37 लाख 95 हजार 740 रुपये होईल. म्हणजेच फंडाची रक्कम 49 लाख 95 हजार 740 रुपयांचा फंड तयार होईल. 10 वर्षातील गुंतवणूक 6 लाख 20 वर्षात 12 लाख होईल. मात्र, मिळणारा परतावा अधिक असेल.

30 वर्ष 5000 रुपयांची एसआयपी सुरु ठेवल्यास गुंतवणुकीची रक्कम 18 लाख रुपये होईल. 12 टक्के सीएजीआरनुसार मिळणारा रिटर्न 1 कोटी 58 लाख 49 हजार 569 रुपये होईल. म्हणजेच फंड 1 कोटी 76 लाख रुपयांचा होईल.

म्युच्युअल फंडमध्ये गुंतवणूक लवकर सुरु करण्याचा सल्ला गुंतवणूक सल्लागार देतात कारण कमी वयात एसआयपी सुरु केल्यास कम्पाऊंडिंगचा फायदा अधिक होतो. बाजार जेव्हा कोसळलेला असतो तेव्हा कमी पैशात अधिक NAV मिळतात. एसआयपीद्वारे म्युच्युअल फंडमधील गुंतवणुकीवर मिळणारा परतावा साधारण 12 टक्के सीएजीआर नुसार अपेक्षित धरला जातो. मात्र, बाजारातील घडामोडींनुसार त्यात बदल होऊ शकतात. (टीप- शेअर बाजार, म्यूच्यूअल फंड हे जोखमीच्या अधीन असतात. या लेखात दिलेली माहिती ही प्राथमिक स्वरुपाची असून आम्ही कोणताही दावा करत नाही. या लेखामागचा गुंतवणुकीसाठी शिफारस, सल्ला देण्याचा उद्देश नाही. तुम्हाला गुंतवणूक करायची असेल तर या क्षेत्रातील तज्ज्ञांचा सल्ला घ्या.)