Donald Trump Tariffs : डोनाल्ड ट्रम्प यांनी अवघ्या सात दिवसात पलटी मारली; टॅरिफ फतवा 90 दिवसांनी पुढे ढकलला; 'कर दादागिरी'ला न झुकणाऱ्या चीनवर मात्र 125 टक्के टॅक्स!
ट्रम्प यांनी ट्रुथ सोशलवर लिहिले की चीनने जागतिक बाजारपेठेचा आदर दाखवलेला नाही. म्हणूनच मी ते शुल्क 125 टक्क्यापर्यंत वाढवत आहे. चीनला लवकरच समजेल की अमेरिका आणि इतर देशांना लुटण्याचे दिवस संपले आहेत.
Donald Trump Tariffs : अमेरिकेचे राष्ट्राध्यक्ष डोनाल्ड ट्रम्प यांनी 75 हून अधिक देशांवरील परस्पर आयात शुल्क 90 दिवसांसाठी स्थगित केले. तथापि, त्यांनी या सूटमध्ये चीनचा समावेश केलेला नाही, परंतु त्यावरील शुल्क 104 टक्क्यांवरून 125 टक्क्यांपर्यंत वाढवलं आहे. चीनने प्रत्युत्तरादाखल 84 टक्के शुल्क लादल्यानंतर ट्रम्प यांनी ही कारवाई केली. ट्रम्प यांनी ट्रुथ सोशलवर लिहिले की चीनने जागतिक बाजारपेठेचा आदर दाखवलेला नाही. म्हणूनच मी ते शुल्क 125 टक्क्यापर्यंत वाढवत आहे. आशा आहे की चीन लवकरच समजेल की अमेरिका आणि इतर देशांना लुटण्याचे दिवस संपले आहेत.
ज्या देशांनी व्यवहार केला त्यांच्यासाठी शुल्क 10 टक्के असेल
ट्रम्प म्हणाले की, 75 हून अधिक देशांनी अमेरिकेच्या प्रतिनिधींना आमंत्रित केले आहे आणि माझ्या जोरदार सूचनेवर या देशांनी अमेरिकेविरुद्ध कोणत्याही प्रकारे प्रत्युत्तर दिलेले नाही. म्हणून मी 90 दिवसांचा विराम स्वीकारला आहे. या टॅरिफवरील विरामामुळे नवीन व्यापार करारांवर वाटाघाटी करण्यासाठी वेळ मिळेल. अर्थमंत्री स्कॉट बेसंट म्हणाले की अमेरिकेशी वाटाघाटी करण्यास इच्छुक देशांसाठी हा दर 10 टक्क्यांपर्यंत कमी केला जाईल. त्यांनी सांगितले की कॅनडा आणि मेक्सिकोमधील काही वस्तूंवर 25 टक्के कर आकारला जातो. आता त्यांचाही बेसलाइन टॅरिफमध्ये समावेश करण्यात आला आहे. तथापि, या बेसलाइन टॅरिफमध्ये युरोपियन युनियनचा समावेश आहे की नाही हे त्यांनी स्पष्ट केले नाही.
ट्रम्प यांचे जवळचे सहकारीही टॅरिफच्या विरोधात
- ट्रम्प टॅरिफमुळे अमेरिकेसह जागतिक बाजारपेठेत 10 ट्रिलियन डॉलर्सची घसरण झाली. तथापि, टॅरिफ थांबवण्याच्या निर्णयाच्या काही तासांतच, अमेरिकन शेअर बाजाराचे मूल्य $3.1 ट्रिलियनने वाढले.
- ट्रम्प यांच्या अनेक जवळच्या सल्लागारांनी आणि स्वतः मस्क यांनी टॅरिफ वॉर थांबवण्याचा सल्ला दिला होता. ट्रम्प यांच्या रिपब्लिकन पक्षाचे अनेक नेतेही या शुल्काच्या विरोधात होते. मिच मॅककोनेल, रँड पॉल, सुसान कॉलिन्स आणि लिसा मुर्कोव्स्की यांनी या शुल्कांना "असंवैधानिक, अर्थव्यवस्थेला हानी पोहोचवणारे आणि राजनैतिकदृष्ट्या धोकादायक" म्हटले.
- या टॅरिफमुळे अमेरिकन बाँड्सची अनपेक्षित विक्री झाली. कच्च्या तेलाच्या किमतीत मोठी घसरण झाली होती, परिस्थिती कोरोना काळातील परिस्थितीसारखी होत चालली होती.
- वॉल स्ट्रीट, बँकांनी इशारा दिला होता की टॅरिफमुळे अमेरिकेत महागाई, वाढती बेरोजगारी आणि मंदी येईल.
- अमेरिका चीनकडून 440 अब्ज डॉलर्सची आयात करते. यावर 124 टक्के कर लादला आहे. चीनमधून उत्पादने आयात करणाऱ्या अमेरिकन कंपन्यांसाठी पर्याय शोधणे आता एक मोठे आव्हान बनत चालले होते. अशा परिस्थितीत, या कंपन्यांच्या पुरवठा साखळीसाठी इतर देशांवरील शुल्क थांबवणे आवश्यक होते.
चीनवरील कर का वाढवले?
अमेरिकेचे ट्रेझरी सेक्रेटरी स्कॉट बेसंट म्हणाले की, ट्रम्प यांनी वाढत्या व्यापार युद्धाच्या दरम्यान शुल्क मागे घेऊन अमेरिकेविरुद्ध आघाडी न उघडलेल्या देशांना प्रोत्साहन दिले आहे. चीनने अमेरिकेवरील आयात शुल्क 34 टक्क्यांवरून 84 टक्के करण्याची घोषणा केली होती. म्हणून ट्रम्प यांनी चीनवरील कर 104 वरून 125 पर्यंत वाढवले.
EU बद्दल स्पष्टता नाही?
युरोपियन युनियनच्या 27 सदस्य देशांनी बुधवारी 23 अब्ज डॉलर्स किमतीच्या अमेरिकन उत्पादनांवर शुल्क आकारण्याच्या प्रस्तावाला मान्यता दिली. 9 एप्रिल रोजी युरोपियन युनियनच्या 26 देशांनी अमेरिकन वस्तूंवर 25 टक्के कर लादण्याची घोषणा केली. हे शुल्क 15 एप्रिलपासून लागू होईल. अमेरिकेच्या शुल्क लादण्याच्या निर्णयाला विरोध करणारा हंगेरी हा एकमेव युरोपियन युनियन देश होता. अशा परिस्थितीत, EU वर टॅरिफ दर काय असतील याबद्दल कोणतीही स्पष्टता नाही.
चीन नवीन उद्योग आणि नवोपक्रम वाढवण्यावर लक्ष केंद्रित करत आहे
चीनकडे सुमारे 600 अब्ज पौंड अमेरिकन सरकारी रोखे आहेत. याचा अर्थ असा की चीनकडे अमेरिकन अर्थव्यवस्थेवर प्रभाव पाडण्याची मोठी शक्ती आहे. त्याच वेळी, चीननेही तयारी सुरू केली आहे. चीनने औद्योगिक क्षेत्राला 1.9 ट्रिलियन डॉलर्सचे अतिरिक्त कर्ज दिले आहे. यामुळे येथील कारखान्यांचे बांधकाम आणि अपग्रेडेशन वेगाने झाले. हुआवेईने शांघायमध्ये 35 हजार अभियंत्यांसाठी एक संशोधन केंद्र उघडले आहे, जे गुगलच्या कॅलिफोर्नियातील मुख्यालयापेक्षा 10 पट मोठे आहे. यामुळे तंत्रज्ञान आणि नवोन्मेष क्षमता वाढेल.
Before You Go
Aaditya Thackeray NEET: नीट आंदोलनात गुन्हे दाखल झालेल्या ठाकरेंची मदत, केस लढण्यासाठी वकील मैदानात उतरवणार, आदित्य ठाकरेंची माहिती
महत्त्वाच्या बातम्या
