Iran Protest : ट्रम्प यांच्या धमकीनंतर इराण एकवटला, अनेक ठिकाणी मानवी साखळी, लोक मरण्यास तयार

Iran Protest Human Chain : इराणने आता अमेरिका आणि इतर देशांबरोबरचे युद्धविरामाचे प्रयत्न थांबवले असून जशास तसे उत्तर देण्यास सज्ज असल्याचं स्पष्ट केलं आहे. 

Iran Human Chain Protest

Source : abp majha

Iran Us Conflicts : अमेरिकेचे राष्ट्राध्यक्ष डोनाल्ड ट्रम्प (Donald Trump) यांनी इराणला दिलेल्या धमकीनंतर पश्चिम आशियातील परिस्थिती आणखी तणावपूर्ण बनली आहे. होर्मुझ सामुद्रधुनी उघडण्यासाठी दिलेली वेळ संपत आली असताना ट्रम्प यांनी 'आज रात्री इराणची संपूर्ण संस्कृती संपुष्टात येऊ शकते' अशी धमकी दिली. ट्रम्प यांच्या या वक्तव्यानंतर इराणमध्ये मात्र लोक एकवटले असून पूल आणि विद्युत प्रकल्पाच्या ठिकाणी त्यांनी मानवी साखळी (Iran Human Chain Protest) करण्यास सुरुवात केल्याचं दिसतंय.

Iran Protest : नागरिकांची मानव साखळी

या पार्श्वभूमीवर इराणमधील इलाम (Ilam) शहरात हजारो नागरिक रस्त्यावर उतरले आणि मानव साखळी तयार करून निषेध व्यक्त केला. या आंदोलनात पुरुष, महिला आणि लहान मुलांचाही मोठा सहभाग होता. आंदोलकांनी इराणी झेंडे आणि देशातील नेत्यांचे फोटो हातात घेतले होते.

👀 Iranians are actually gathering at bridges and power plants to shield them from possible strikes https://t.co/GlAMrT8Z5r pic.twitter.com/0G8QZDTXEm

— NEXTA (@nexta_tv) April 7, 2026

Power Plants Threat : वीज प्रकल्पांवरील हल्ल्याच्या भीतीमुळे संताप

अमेरिकेकडून वीज प्रकल्प आणि पुलांवर हल्ल्याची शक्यता व्यक्त करण्यात आल्यानंतर हा निषेध उभारण्यात आला. नागरिकांनी देशाच्या पायाभूत सुविधांवर होणाऱ्या संभाव्य हल्ल्यांविरोधात एकजूट दाखवत मानव साखळी तयार केली.

Iran Us Talks Halted : चर्चेचे प्रयत्न थांबवले

दरम्यान, इराणने अमेरिका आणि इतर देशांसोबत सुरू असलेले युद्धविराम चर्चेचे प्रयत्न थांबवण्याचा निर्णय घेतला आहे. मध्यस्थी करणाऱ्या पाकिस्तानला इराणने स्पष्ट कळवले की, आता तो चर्चेत सहभागी होणार नाहीत. यामुळे तणाव आणखी वाढण्याची शक्यता आहे.

Trump Warning To Iran : मोठ्या हल्ल्याची धमकी

डोनाल्ड ट्रम्प यांनी इराणला स्पष्ट शब्दांत इशारा दिला की, त्यांच्या अटी मान्य न झाल्यास इराणवर मोठ्या प्रमाणात हल्ले केले जाऊ शकतात. एका रात्रीत इराणची वीज व्यवस्था आणि महत्त्वाचे पूल उद्ध्वस्त करण्याची क्षमता अमेरिकेकडे असल्याचा दावा त्यांनी केला.

Middle East Tension : परिस्थिती अधिक गंभीर

सध्याची परिस्थिती अत्यंत संवेदनशील टप्प्यावर पोहोचली असून हा संघर्ष अनेक दशकांपासून सुरू असलेल्या वादाचा निर्णायक टप्पा ठरू शकतो, अशी भीती व्यक्त केली जात आहे.

ही बातमी वाचा :