US Iran War : अमेरिका इराणवर अणुहल्ला करणार? डोनाल्ड ट्रम्प यांच्या धमकीनंतर व्हाईट हाऊसची भूमिका स्पष्ट
Iran Us Conflicts : आजची रात्र इराणसाठी काळरात्र ठरणार असून इराणचा नामोनिशाण मिटवू अशी धमकी अमेरिकेचे अध्यक्ष डोनाल्ड ट्रम्प यांनी दिली आहे. त्यानंतर पश्चिम आशियात तणाव वाढल्याचं चित्र आहे.
वॉशिंग्टन : अमेरिकेचे राष्ट्राध्यक्ष डोनाल्ड ट्रम्प (Donald Trump) यांनी इराणविरोधात केलेल्या तीव्र वक्तव्यानंतर जगभरात अणुहल्ल्याच्या शक्यतेबाबत चर्चा सुरू झाल्याचं दिसतंय. त्यातच उपराष्ट्रपती जे डी व्हॅन्स यांनी अमेरिकेकडे असे काही अत्याधुनिक आणि विनाशकारी शस्त्रास्त्रे आहेत ज्यांचा वापर अद्याप केला नाही, ट्रम्प त्यावर निर्णय घेऊ शकतात असं वक्तव्य केलं होतं. मात्र, या पार्श्वभूमीवर व्हाईट हाऊसने महत्त्वाचं स्पष्टीकरण दिलं आहे.
Donald Trump Warning To Iran : ट्रम्पच्या वक्तव्यामुळे भीती
मंगळवारी (7 एप्रिल) ट्रम्प यांनी इराणला दिलेल्या इशाऱ्यामध्ये 'इराणची संस्कृती नष्ट होऊ शकते, आम्ही इराणला एका रात्रीत नष्ट करू शकतो' अशा शब्दांचा वापर केला होता. या वक्तव्यामुळे आंतरराष्ट्रीय स्तरावर मोठी खळबळ उडाली आहे. त्यामुळे अमेरिका इराणवर अणुहल्ला करू शकतो का, अशी भीती अनेक देशांनी व्यक्त केली.
White House Statement : अणुहल्ल्याचा कोणताही विचार नाही
या सगळ्या चर्चांदरम्यान व्हाईट हाऊसने स्पष्ट केलं की, अमेरिकेकडून अण्वस्त्र वापरण्याचा सध्या कोणताही विचार केला जात नाही. उपराष्ट्रपती जे डी व्हॅन्स (JD Vance) यांनी केलेल्या वक्तव्यावरुन गैरसमज होत असल्याचंही सांगण्यात आलं.
JD Vance Remark : आमच्याकडे शक्तिशाली साधनं, अमेरिकेचा दावा
जे डी व्हॅन्स यांनी म्हटलं होतं की, अमेरिकेकडे काही अत्याधुनिक साधनं आहेत ज्यांचा वापर अद्याप करण्यात आलेला नाही. आवश्यक असल्यास राष्ट्राध्यक्ष निर्णय घेऊ शकतात. मात्र, याचा अर्थ अणुहल्ला असा नाही, असं व्हाईट हाऊसने स्पष्ट केलं.
Donald Trump Deadline Iran : इराणसाठी वेळेची मर्यादा
डोनाल्ड ट्रम्प यांनी इराणला ठराविक वेळेत होर्मुझची सामुद्रधुनी खुली करण्याचं अल्टिमेटम दिला आहे. तो अल्टिमेटम भारतीय प्रमाणवेळेनुसार बुधवारी पहाटे 5.30 वाजता संपणार आहे. तेहरानने जर अमेरिकेचा प्रस्ताव मान्य केला नाही, तर कारवाई कधीही होऊ शकते, असंही ट्रम्प यांनी स्पष्ट केलं आहे. चर्चेची प्रक्रिया सुरू असली तरी अंतिम निर्णय अद्याप अनिश्चित आहे.
Middle East Tension : इस्रायलचीही आक्रमक भूमिका
दरम्यान, इस्त्रायलकडूनही आक्रमक भूमिका घेण्यात आली आहे. इराणच्या रेल्वे नेटवर्कवर हल्ल्याची धमकी देण्यात आली असून काही ठिकाणी प्रत्यक्ष कारवाईही करण्यात आल्याची माहिती समोर आली आहे. यामुळे मध्यपूर्वेतील तणाव आणखी वाढण्याची शक्यता व्यक्त केली जात आहे.
ही बातमी वाचा:
Before You Go
Narendra Modi On Jantar Mantar : मला आणि माझ्या आईला शिवीगाळ, मोदींकडून नवीन व्हिडिओ पोस्ट
महत्त्वाच्या बातम्या
