Khalistani : ब्रिटनमध्ये भारतीय उच्चायुक्तांसोबत गैरवर्तन, गुरुद्वारेत जाण्यापासून रोखलं; भारताकडून संताप व्यक्त

India Ambassador's UK Gurdwara Visit Disrupted : भारताने घटनेवर संताप व्यक्त करत दोषींवर कारवाई करण्याची मागणी केली आहे. भारतीय उच्चायुक्तालयाने, हे वर्तन अपमानास्पद आणि लज्जास्पद असल्याचं म्हटलं आहे.

India Ambassador's UK Gurdwara Visit Disrupted

UK Khalistan Supporter : ब्रिटनमधील (Britain) भारतीय उच्चायुक्त (Indian Ambassador) विक्रम दोराईस्वामी (Vikram Doraiswami) यांना स्कॉटलंड (Scotland) मधील गुरुद्वारेमध्ये (Gurudwara) जाण्यापासून रोखण्यात आलं. भारतीय उच्चायुक्त विक्रम दोराईस्वामी यांच्यासोबत खलिस्तानी समर्थकांनी गैरवर्तन केल्याचं समोर आलं आहे. भारतीय उच्चायुक्त विक्रम दोराईस्वामी यांना खलिस्तानींनी स्कॉटलंडमधील ग्लासगो येथील गुरुद्वारात प्रवेश करण्यापासून रोखलं. भारताने घटनेवर संताप व्यक्त करत याप्रकरणी दोषींवर कारवाई करण्याची मागणी केली आहे. भारतीय उच्चायुक्तालयाने याप्रकरणी एक निवेदन जारी करत हे वर्तन अपमानास्पद आणि लज्जास्पद असल्याचं म्हटलं आहे. भारतीय उच्चायुक्तांसोबत केलेल्या गैरवर्तनाची ब्रिटीश नेत्यांनी देखील निंदा केली आहे. पोलिसांनी या प्रकरणी चौकशी सुरु केली आहे. 

ब्रिटनमध्ये भारतीय उच्चायुक्तांसोबत गैरवर्तन

या प्रकरणी स्कॉटलंड पोलिसांनी सांगितले की, शुक्रवारी दुपारी 1.05 च्या सुमारास (स्थानिक वेळेनुसार) ग्लासगोच्या अल्बर्ट ड्राईव्ह परिसरात गोंधळ झाल्याचा अहवाल मिळाला, ज्याची चौकशी केली जात आहे. वृत्तसंस्था एएनआयला पाठवलेल्या ईमेलमध्ये स्कॉटलंड पोलिसांच्या प्रवक्त्याने सांगितले की, आम्हाला ग्लासगोच्या अल्बर्ट ड्राईव्ह परिसरात गडबड झाल्याचे वृत्त मिळाले आहे. या घटनेत कोणीही जखमी झाल्याची माहिती मिळालेली नाही. सध्या पोलीस या प्रकरणाचा तपास करत आहेत.

भारतीय उच्चायुक्तांना गुरुद्वारेत जाण्यापासून रोखलं

भारतीय उच्चायुक्तालयाने जारी केलेल्या निवेदनात म्हटलं आहे की, शुक्रवारी 29 सप्टेंबर रोजी तीन व्यक्तींना जाणूनबुझून गुरुद्वारा समिती उच्चायुक्त आणि भारताचे कौन्सुलेट जनरलद्वारे आयोजित चर्चासत्रामध्ये अडथळे निर्माण केले. समुदाय आणि कौन्सुलरच्या मुद्द्यांवर चर्चेसाठी हे चर्चासत्र आयोजित करण्यात आली होती.  समुदायाचे वरिष्ठ नेते, महिला समिती सदस्य आणि स्कॉटिश खासदार यांच्याकडून या चर्चासत्राचं आयोजन करण्यात आलं होतं. यावेळी भारतीय उच्चायुक्तांना गुरुद्वारेमध्ये जाण्यापासून रोखण्यात आलं. कट्टरपंथीयांनी त्यांना धमकावलं आणि त्यांच्यासोबत गैरवर्तन केलं. यामुळे वाद होऊ नये, यासाठी आयुक्त आणि कॉन्सुल जनरल हे कार्यक्रमस्थळावरून निघून गेले.

कॅनडानंतर आता ब्रिटनमध्येही खलिस्तानी आक्रमक

यापूर्वी, खलिस्तानींच्या एका गटाने अल्बर्ट ड्राइव्ह, ग्लासगो येथील गुरुद्वारा गुरु ग्रंथ साहिबच्या व्यवस्थापन समितीच्या सदस्यांशी झटापट केली आणि दोराईस्वामी यांच्या कारचा दरवाजा जबरदस्तीने उघडण्याचा प्रयत्न केला. खलिस्तान समर्थकांनी ऑनलाइन व्हिडीओ पोस्ट करत याचा संबंध कॅनडाच्या सरकारच्या आरोपाशी जोडला आहे. कॅनडाचे पंतप्रधाने जस्टिन टुड्रो यांनी खलिस्तानी दहशतवादी हरदीपसिंह निज्जरच्या हत्येत भारताच्या गुप्तचर संस्थेचा हात असल्याचा गंभीर आरोप केला आहे. मात्र, भारताने कॅनडाचा आरोप फेटाळून लावले आहेत. पंतप्रधान ट्रुडो यांच्या या आरोपानंतर भारत-कॅनडा संबंधांमध्ये तणाव निर्माण झाला आहे.

Concerned to see that the Indian High Commissioner @VDoraiswami was stopped from meeting with the Gurudwara Committee at the Gurudwara in Glasgow.

The safety and security of foreign diplomats is of utmost importance and our places of worship in the UK must be open to all.

— Anne-Marie Trevelyan MP (@annietrev) September 30, 2023

ब्रिटिश मंत्र्यांनी व्यक्त केली चिंता

युकेच्या इंडो-पॅसिफिक मंत्री एनी मॅरी ट्रॅवलियन यांनी परदेशी मुत्सद्दींची सुरक्षा महत्वाची असल्याचं म्हणत चिंता व्यक्त करत सोशल मीडिया एक्सवर पोस्ट केली आहे. यामध्ये त्यांनी लिहीलं आहे की, 'भारतीय उच्चायुक्त विक्रम दोराईस्वामी यांना गुरुद्वारेमधील बैठकीत जाण्यापासून रोखण्यात आलं हे चिंताजनक आहे. परदेशी मुत्सुद्दीची सुरक्षा अत्यंत महत्वाची आहे. युकेमधील प्रार्थनास्थळांचे दरवारे सर्वांसाठी खुले असायला हवे.'

महत्वाच्या इतर बातम्या :