Guinness World Records: सर्वात जास्त वेळ केलं 'अंडर वॉटर किस'; जोडप्यानं 'व्हॅलेंटाईन डे'ला केला विश्व विक्रम
Guinness World Records: एका जोडप्यानं चक्क पाण्यामध्ये सर्वात जास्त वेळ एकमेकांना किस करुन गिनीज बुक ऑफ वर्ल्ड रेकॉर्ड्समध्ये (Guinness World Records) आपलं नाव नोंदवलं आहे.
Guinness World Records: गिनीज बुक ऑफ वर्ल्ड रेकॉर्ड्समध्ये (Guinness World Records) वेगवेगळ्या अतरंगी रेकॉर्ड्ची नोंद होत असते. आता 'व्हॅलेंटाईन डे' (Valentine Day 2023) च्या निमित्तानं एका जोडप्यानं खास रेकॉर्ड केला आहे. या जोडप्यानं चक्क पाण्यामध्ये सर्वात जास्त वेळ एकमेकांना किस करुन गिनीज बुक ऑफ वर्ल्ड रेकॉर्ड्समध्ये आपलं नाव नोंदवलं आहे.
कॅनडाच्या (Canada) माइल्स क्लाउटियर (Miles Cloutier) आणि दक्षिण आफ्रिकेच्या (South Africa) बेथ नीले (Beth Neale) यांनी पाण्याखाली सर्वात जास्त वेळ किस करुन रेकॉर्ड केला. त्यांच्या या रेकॉर्डची गिनीज बुकमध्येही नोंद झाली आहे. त्यांनी 4 मिनिटे 6 सेकंद एका स्विमिंग पूलमध्ये किस केलं. हा विक्रम 13 वर्षांपूर्वी इटालियन टीव्ही शो होस्ट लो शो देईनं केला होता, त्याने 3 मिनिटे 24 सेकंद किस केलं होते. माइल्स क्लाउटियर आणि बेथ नीले दोघेही डायव्हर्स आहेत. त्यांना दीड वर्षाची मुलगी आहे. माइल्स, बेथ आणि त्यांची मुलगी दक्षिण आफ्रिकेत एकत्र राहतात.
गिनीज बुक ऑफ वर्ल्ड रेकॉर्ड्सच्या सोशल मीडियावर पोस्ट शेअर करुन माइल्स आणि बेथ यांच्या या रेकॉर्डची माहिती देण्यात आली. 'व्हॅलेंटाईन-डे' ला हा रेकॉर्ड झाला आहे.', असं या पोस्टमध्ये लिहिण्यात आलं आहे. या पोस्टमध्ये माइल्स आणि बेथ यांचा फोटो देखील शेअर करण्यात आला आहे. बेथने सांगितले, "रेकॉर्ड करण्याच्या तीन दिवस आधी मला श्वासावर नियंत्रण ठेवता येत नव्हते."
पाहा गिनीज बुक ऑफ वर्ल्ड रेकॉर्ड्सचं ट्वीट
A record just in time for Valentine's Day 🥰️https://t.co/FskcJzycb2
— Guinness World Records (@GWR) February 14, 2023
गिनीज बुक ऑफ वर्ल्ड रेकॉर्ड्सच्या यूट्यूब चॅनलवर देखील माइल्स आणि बेथ यांच्या या रेकॉर्डचा व्हिडीओ शेअर केला आहे.
पाहा माइल्स आणि बेथ यांचा व्हिडीओ:
रेकॉर्ड करण्यापूर्वी सकाळी 7.30 वाजता माइल्स आणि बेथ यांनी अंडर वॉटर किससाठी वॉर्म अप केले. दोन आणि तीन मिनिटांच्या दोन प्रॅक्टिसनंतर त्यांनी पाण्याखाली किस करण्यास सुरुवात केली. बेथ ही तिच्या डायव्हिंगचे फोटो आणि व्हिडीओ सोशल मीडियावर शेअर करत असते. इन्स्टाग्रामवर तिला 175K एवढे नेटकरी फॉलो करतात. तिच्या पोस्ट नेटकऱ्यांचे लक्ष वेधतात.
वाचा इतर महत्वाच्या बातम्या:
संपूर्ण शरीरावर टॅटू काढत बनवला विश्वविक्रम, Body Modification करणाऱ्या 'या' जोडीची अनोखी कहाणी
महत्त्वाच्या बातम्या
ट्रेंडिंग न्यूज
