सावधान! जागतिक तापमानवाढीचा अहवाल भयंकर, मृत्यूच्या संख्येत वाढ होण्याची शक्यता; अहवालातून 'ही' माहिती समोर

पृथ्वीचं तापमान जर या शतकाच्या अखेरीस दोन अंश सेल्सिअसने वाढले, तर शतकाच्या मध्यापर्यंत उष्णतेमुळं होणाऱ्या मृत्यूच्या संख्येत मोठी वाढ होण्याची शक्यता आहे.

Global Warming Research

Global Warming Research:  जगभरात सतत होणाऱ्या कार्बन उत्सर्जनाचा मोठा धोका निर्माण झाली आहे. यामुळं जागतिक तापमानात (Global Warming) वाढ होत आहे. ग्लोबल वॉर्मिंग येत्या दशकात मानवांसाठी सर्वात मोठा धोका म्हणून समोर येणार आहे. पृथ्वीचं तापमान जर या शतकाच्या अखेरीस दोन अंश सेल्सिअसने वाढले, तर शतकाच्या मध्यापर्यंत उष्णतेमुळं होणाऱ्या मृत्यूच्या संख्येत मोठी वाढ होण्याची शक्यता आहे. वार्षिक मृत्यूत 370 टक्क्यांनी वाढ होण्याची शक्यता आहे. हे प्रमाण सध्याच्या संख्येच्या 5 पट असणार आहे. म्हणजे स्थिती भयानक असल्याची माहिती एका अहवालातून समोर आली आहे.

तापमानवाढ कमी करण्यावर प्रयत्न होणं गरजेचं

जागतिक तापमानात सातत्यानं वाढ होत आहे. जागतिक तापमानात होणारी दोन अंश सेल्सिअसची वाढ ही शतकाच्या अखेरीस थांबवली नाही, तर जगभरातील मृत्यूंची संख्या पाच पटीने वाढण्याची शक्यता अहवालातून समोर आली आहे. विज्ञान मासिक द लॅन्सेटने मंगळवारी (14 नोव्हेंबर) एक अहवाल प्रसिद्ध केला आहे, ज्यामध्ये हा दावा करण्यात आला आहे. त्यानुसार या शतकाच्या अखेरीस एकूण तापमानात कोणत्याही परिस्थितीत दीड अंश सेल्सिअसपेक्षा जास्त वाढ होऊ नये, यासाठी जगभर प्रयत्न व्हायला हवेत. लॅन्सेट मासिकाचा हा आठवा वार्षिक अहवाल आहे, जो आरोग्य आणि हवामान बदलावर प्रसिद्ध झाला आहे.

तापमानवाढीमुळं मानवी जीवन धोक्यात

जगभरात उष्णतेच्या लाटेमुळे मृत्यूमुखी पडणाऱ्यांची संख्या वाढत आहे.
हवामान बदलाच्या वाढत्या धोक्यामुळं आज जगभरातील अब्जावधी लोकांचे जीवन आणि उपजीविका धोक्यात असल्याची माहिती द लॅन्सेट काउंटडाउनच्या कार्यकारी संचालक मरीना रोमेनेलो यांनी एका निवेदनात म्हटलं आहे. 2 अंश सेल्सिअस अधिक तापमानवाढ जगासाठी धोकादायक भविष्य दर्शवते. हे जगभरातील ग्लोबल वार्मिंग थांबवण्याच्या प्रयत्नांची अपुरीता देखील दर्शवते."

दर सेकंदाला 1337 टन कार्बन उत्सर्जन 

जग अजूनही 1,337 टन कार्बन डाय ऑक्साईड प्रति सेकंदाला उत्सर्जित करत आहे. कार्बन उत्सर्जन वेगाने वढत आहे. याचा आरोग्यावर विपरीत परिणाम होत आहे. रोमेनेलो यांनी आपल्या दिलेल्या निवेदनात असं म्हटलं आहे की, पॅरिस कराराप्रमाणे जागतिक तापमानवाढ 1.5 अंश सेल्सिअसपर्यंत मर्यादित ठेवणं गरजेच आहे. 

52 संस्थांनी WHO च्या सहकार्याने केलं संशोधन 

युनिव्हर्सिटी कॉलेज लंडनच्या संशोधकांच्या नेतृत्वाखाली, हे विश्लेषण जागतिक आरोग्य संघटना (WHO) आणि जागतिक हवामान संघटना (WMO) सह जगभरातील 52 संशोधन संस्थांनी केले आहे. हे UN एजन्सींमधील 114 प्रमुख तज्ञांच्या कार्याचे प्रतिनिधित्व करते. आरोग्य आणि हवामान बदल यांच्यातील दुव्याचे मूल्यांकन करण्यासाठी नवीनतम अद्यतन प्रदान करते. 28 व्या युनायटेड नेशन्स कॉन्फरन्स ऑफ पार्टीज (COP) च्या आधी प्रकाशित, विश्लेषण डेटाच्या 47 पॉइंट्सची मालिका सादर करते. यामध्ये नवीन आणि सुधारित मेट्रिक्स समाविष्ट आहेत, जे देशांतर्गत वायू प्रदूषण, जीवाश्म इंधन वित्तपुरवठा आणि हवामान कमी करण्याच्या आरोग्य सह-फायद्यांवरील आंतरराष्ट्रीय संस्थांच्या परस्परसंबंधाचे परीक्षण करतात.

28 व्या युनायटेड नेशन्स कॉन्फरन्स ऑफ पार्टीज (COP) च्या आधी प्रकाशित, विश्लेषण डेटाच्या 47 पॉइंट्सची मालिका सादर करते. यामध्ये नवीन आणि सुधारित मेट्रिक्स समाविष्ट आहेत. जे देशांतर्गत वायू प्रदूषण, जीवाश्म इंधन वित्तपुरवठा आणि हवामान कमी करण्याच्या आरोग्य सह-फायद्यांवरील आंतरराष्ट्रीय संस्थांच्या परस्परसंबंधाचे परीक्षण करतात.

महत्त्वाच्या बातम्या: