Viral : कर्नाटकात मच्छिमारांनी पकडला 250 किलो दुर्मिळ मासा, क्रेनच्या मदतीने बाहेर काढला

Trending : कर्नाटकातील मालपे येथे मच्छिमारांनी दुर्मिळ असा 'सॉ फिश' पकडला,

fish

Trending : कर्नाटकातील (Karnataka) मालपे येथे मच्छिमारांनी दुर्मिळ असा 'सॉ फिश' (saw fish) पकडला, हा मासा पाहताच मच्छीमारांनाच आश्चर्य वाटले. 'सी कॅप्टन' या खोल समुद्रातील एका बोटीतून मच्छिमारांनी सुमारे 250 किलो 'मासा' पकडला. क्रेनच्या साहाय्याने तो समुद्रकिनाऱ्यावर आणण्यात आला, या वेळी प्रेक्षकांची गर्दी झाली होती. प्रत्येकजण या माशाची एक झलक पाहण्याचा प्रयत्न करत होता. सोशल मीडियावर हा व्हिडिओ प्रचंड व्हायरल होत आहे.

ही एक लुप्तप्राय प्रजाती

हा मासा 'कारपेंटर शार्क' या नावानेही ओळखला जातो आणि तो एक लुप्तप्राय प्रजाती आहे. हे वन्यजीव (संरक्षण) अधिनियम 1972 च्या अनुसूची 1 अंतर्गत संरक्षित आहे. मंगलोर सिटी नावाच्या ट्विटर अकाऊंटने सावफिशचे फोटो आणि व्हिडिओ शेअर केले आहेत. त्यात तज्ज्ञांचे म्हणणे आहे की, "कार्पेंटर शार्क ही एक लुप्तप्राय प्रजाती आहे, ज्यांची लोकसंख्या घटली आहे." तज्ज्ञांच्या मते, गेल्या दशकात ही प्रजाती भारतीय किनारपट्टीवर 10 पेक्षा कमी वेळा दिसली आहे.

हा मासा मालपे मत्स्य बंदरात आणल्यानंतर मंगळुरूच्या एका व्यापाऱ्याला विकण्यात आल्याचा आरोप आहे. लुप्तप्राय आणि संरक्षित प्रजातींचा लिलाव केल्याने मच्छिमार अडचणीत येऊ शकतात. मीडिया रिपोर्ट्सनुसार, मत्स्य विभागाचे सहसंचालक गणेश के यांनी या घटनेची चौकशी सुरू केल्याचे सांगितले.

 

An extremely rare & endangered species of carpenter shark (sawfish) was caught in fishnets at Malpe on Thursday.

The huge carpenter shark weighed around 250 kgs, was accidentally trapped in the nets of a boat named 'Sea Captain' that had left Malpe port to fish in deep waters pic.twitter.com/3AimndOv1I

— Mangalore City (@MangaloreCity) March 12, 2022

लांब आणि अरुंद नाकामुळे विशेष

या प्रजातीचे मासे त्यांच्या लांब आणि अरुंद नाकामुळे विशेष मानले जातात. इंटरनॅशनल युनियन फॉर कॉन्झर्व्हेशन ऑफ नेचरच्या मते, सॉफिश हा जगभरातील सर्वात धोक्यात असलेल्या सागरी माशांपैकी एक आहे. सर्व पाच सॉफिश प्रजाती लुप्तप्राय म्हणून सूचीबद्ध आहेत, त्यापैकी तीन प्रजाती धोक्यात आहेत. भारतात ते पकडणे आणि लिलाव करणे यावर कठोर कायदेशीर कारवाईची तरतूद आहे, कारण ते वन्यजीव संरक्षण कायदा 1972 अंतर्गत संरक्षित आहे.

संबंधित बातम्या