Viral Video : एकसारखी साडी नेसलेल्या अनेक महिला, तरी चिमुकल्याने अचूक शोधलं आपल्याच आईला! पाहा व्हिडीओ

Viral Video : सगळ्या महिला एकाच रंगाच्या साडीत दिसतात, त्यामुळे मुलाला आई शोधणे आणि ओळखणे कठीण जाते.

Viral Video

Viral Video : सध्या सोशल मीडियावर एक व्हिडीओ मोठ्या प्रमाणात व्हायरल होत आहे. व्हिडीओमध्ये अनेक महिलांमध्ये एक लहान मूल आपल्या आईला शोधताना दिसत आहे. एकाच रंगाच्या साडीत चार महिला तोंड लपवून बसल्या आहेत. दरम्यान, सर्व महिला लहान मुलाला आवाज देऊन त्याचे लक्ष विचलित करण्याचा प्रयत्न करतात. या महिलांना पाहून मूल जरा अस्वस्थ दिसतं, पण चेहरा न पाहताही तो आपल्या आईचा प्रेमळ आवाज ओळखतो.

सगळ्या महिला एकाच रंगाच्या साडीत दिसतात, त्यामुळे मुलाला आई शोधणे आणि ओळखणे कठीण जाते. परंतु, शेवटी आईचे प्रेम त्याने बरोबर ओळखले आहे.

शेवटी आईचं ती...

सोशल मीडियावर व्हायरल होत असलेल्या या व्हिडीओमध्ये स्पष्टपणे दिसत आहे की, एक लहान मूल एका खोलीत येते. पण, तेथील दृश्य पाहून आश्चर्यचकित होते. कारण, खोलीत अनेक महिला एकाच रंगाची साडी परिधान करून तोंड झाकून बसलेल्या दिसतात. सुरुवातीला मूल त्याच्या आईला ओळखत नाही. क्षणभर तो दुसऱ्या महिलेकडेही जातो, पुढच्या काही क्षणात त्याला त्याच्या आईची ओळख पटते. आईला ओळखून तो तिच्या जवळ जातो. आई आणि मुलाचा हा सुंदर व्हिडीओ लोकांनाही खूप आवडला आहे.

व्हिडीओने जिंकली नेटकऱ्यांची मनं!

व्हायरल झालेली ही सुंदर व्हिडीओ क्लिप 6 मार्च रोजी इंस्टाग्रामवर पोस्ट करण्यात आली होती आणि आतापर्यंत 18 दशलक्षाहून अधिक व्ह्यूज मिळाले आहेत. लहान मुलाचे त्याच्या आईवरील प्रेम सर्वांचे मन जिंकत आहे.

हेही वाचा :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha