Trending News : हा कुत्रा त्याच्या मालकासह चक्क फूड डिलीव्हरी करतोय? व्हिडीओ पाहून तुम्हीही आश्चर्यचकित व्हाल
Trending Video : सोशल मीडियावर एका कुत्र्याचा व्हिडीओ व्हायरल होत आहे, जो डिलिव्हरी बॉयसोबत फूड डिलीव्हरीसाठी जातो.
Trending Video : प्राण्यांमध्ये जरी बोलण्याची क्षमता नसली तरी आपल्या हालचाली आणि कृतीद्वारे ते इतरांशी संवाद साधतात. सोशल मीडियावर (Social Media) असे प्राण्यांचे व्हिडीओ लगेच व्हायरल होतात आणि ते लोकांना आवडतात. असाच एक व्हिडीओ सध्या सोशल मीडियावर व्हायरल होत आहे. या व्हिडीओमध्ये एक कुत्रा त्याच्या मालकाबरोबर चक्क फूड डिलिव्हरी करताना दिसतोय. तुम्हालाही आश्चर्य वाटलं ना.
पाहा हा व्हिडीओ :
View this post on Instagram
शिवांग नावाच्या युजरने 31 जुलै रोजी हा व्हिडीओ इन्स्टाग्रामवर शेअर केला होता, जो आता व्हायरल होत आहे. पोस्ट शेअर करताना यूजरने लिहिले की, 'खरी मैत्री अशी दिसते. काहीही असो, हा कुत्रा त्याच्या सुरक्षेसाठी नेहमी त्याच्यासोबत असेल.'
तो पुढे म्हणाला, 'या सुंदर डिलिव्हरी बॉयचे नाव जॅक आहे. तो नेहमी फूड डिलीव्हरीसाठी जातो आणि त्याच्याबरोबर हा कुत्राही जातो.' व्हायरल व्हिडीओच्या सुरुवातीला स्कूटीवर पिझ्झा डिलिव्हरी करण्यासाठी आलेल्या एका व्यक्तीसोबत कुत्राही असल्याचे दिसते आहे.
कुत्र्याची कमाल :
व्हिडीओमध्ये तुम्हाला दिसेल की, ज्यावेळी ती व्यक्ती फूड डिलीव्हरी करत आहे, त्याच ठिकाणी कुत्राही शांतपणे उभा आहे. डिलिव्हरी बॉय निघण्याच्या तयारीत असताना, कुत्रा स्कूटरवर चढून त्याच्या समोर बसतो.
व्हायरल झालेला व्हिडीओ :
इन्स्टाग्रामवर शेअर केलेला हा व्हिडीओ आत्तापर्यंत 1.3 मिलियनपेक्षा जास्त वेळा पाहिला गेला आहे. यासह, व्हिडीओला 1.64 लाखांहून अधिक लोकांनी लाइक केले आहे. दोघांमधील या अतूट बंधावर युजर्सनी खुलेपणाने कमेंट केल्या आहेत. एका यूजरने लिहिले की, 'हा व्हिडीओ जबरदस्त आहे. देव या पवित्र आत्म्याचे रक्षण करो." अशा कमेंट्स या व्हिडीओला मिळतायत.
महत्वाच्या बातम्या :
महत्त्वाच्या बातम्या
ट्रेंडिंग न्यूज
