जाणून घ्या, Google ला कशी सापडतात तुमच्या सर्व प्रश्नांची उत्तरं

गुगल नेमकी आपल्या प्रश्नांची उत्तरं कसं शोधतं आणि त्याची सर्व उत्तरं योग्यच असतात का, हा प्रश्न तुम्हाला पडलाय का? चला तर मग या प्रश्नाच्या उत्तरासाठी गुगलकडे न जाता खालील माहिती वाचूया.

नवी दिल्ली : एखादा असा प्रश्न, ज्याचं उत्तर देण्यासाठी आपणही असमर्थ असतो त्यावेळी आधार घेतला जातो तो म्हणजे एका खात्रीशीर मदतीचा, तंत्रज्ञानाचा. Google या नावानं हे तंत्रज्ञान, अर्थात हे सर्च इंजिन असंख्य प्रश्नांची उत्तरं देत, कित्येक गोष्टींबाबतची माहिती देत तुमच्या आमच्या शंकांचं निरसन करत असतं. त्यामुळं प्रश्न कोणताही असो, उत्तर देण्यासाठी गुगल आहे ना असं म्हणत आपण मात्र निर्धास्त असतो. गुगल नेमकी आपल्या प्रश्नांची उत्तरं कसं शोधतं आणि त्याची सर्व उत्तरं योग्यच असतात का, हा प्रश्न तुम्हाला पडलाय का? चला तर मग या प्रश्नाच्या उत्तरासाठी गुगलकडे न जाता खालील माहिती वाचूया. Google असं देतं तुमच्या प्रश्नांची उत्तरं... Crawling कोणत्याही विषयाबाबत जेव्हा आपण गुगलवर जाऊन माहिती शोधतो, तेव्हा Google सर्वप्रथन वेब पेजवर त्या विषयाशी निगडीत माहिती उपलब्ध आहे का हे तपासतं. या प्रक्रियेला Crawling असं म्हणतात. क्रॉलिंगसाठी Google bot चा वापर केला जातो. ज्यामध्ये Google पेजेसना क्रॉ़ल करत नव्या पेज इंडेक्समध्ये जोडतं. Google bot हे एक वेब क्रॉलर्स सॉफ्टवेअर आहे. क्रॉलर्स एकमेकांकडून माहिती मिळवून ती Googleच्या सर्व्हरपर्यंत आणतात. Indexing Crawlers च्या माध्यमातून वेबपेज मिळण्यानंतर Google ची सिस्टीम वेगवेगळ्या पेजवरील माहिती तपासतं. यामध्ये फोटो, व्हिडीओ आणि वेब कंटेंटचा समावेश असतो. क्रॉल केलेले पेज Google पडताळून पाहतं. यामध्ये किवर्ड्स आणि वेबसाइट कंटेंटवर भर दिला जातो. याशिवाय वेबसाइट कंटेंटमध्ये कितपत नावीण्य आहे, माहिती क़ॉपी -पेस्ट तर नाही ना याचीही माहिती घेतली जाते. एकसारखाच कंटेंट असल्याच ती रद्द करण्यात येते. ही सर्व माहिती Google Index मध्ये साठवली जाते. WhatsApp वरुन पेमेंट सुविधा सुरू; सेटअप अ‍ॅक्टीव कसे करावे? जाणून घ्या स्टेप बाय स्टेप Serving result आपण गुगलवर कोणतीही माहिती शोधल्यास गुगल आपल्याला त्याच्याशी निगडीत प्रश्न आणि उत्तरही सुचवतं. यामध्ये सर्वात वर सर्च पेज रँक असतं. या पूर्ण प्रक्रियेशिवायही गुगल आपल्या इंटरनल प्रोसेसरचीही मदत घेतो. ज्यानंतर Google तुमच्या प्रत्येक प्रश्नाचं उत्तर अगदी काही सेकंदातच देतं.