Best 5G Mobile Phones: नवा फोन खरेदी करायचा विचार करताय? 20 हजारांच्या बजेटमध्ये मिळतील ‘हे’ 5G स्मार्टफोन!
Best 5G Mobile Phones: जसजशी टेक्नोलॉजी बदलते, आपल्या हातातील मोबाईलचे फीचर्स देखील बदलत जातात. सध्या सगळीकडे 5g फोन्सची धूम आहे. तुम्ही देखील नवा 5G फोन घ्यायचा विचार करत असाल, तर हे पर्याय तुमच्यासाठी...
Best 5G Mobile Phones: सध्या तुम्ही नवा 5G टेक्नोलॉजीचा फोन घेण्याचा विचार करत असाल आणि तुमचे बजेट देखील ठराविक असेल, तर अवघ्या 15 ते 20 हजारांमध्ये उपलब्ध असणाऱ्या फोन्सची यादी आम्ही तुमच्यासाठी घेऊन आलो आहोत. या नव्या आणि बजेट फ्रेंडली 5G फोन्समध्ये मजबूत बॅटरी, ऑपरेटिंग सिस्टमसह पॉवर प्रोसेसर आहे. या फोन्समध्ये युझर इंटरफेस वाढवण्यासाठी मोठा डिस्प्ले देखील देण्यात आला आहे. चला जाणून घेऊया संपूर्ण माहिती...
OnePlus Nord CE 2 Lite 5G (किंमत : 19,999 रुपये)
OnePlus Nord CE 2 Lite 5G मध्ये 6.59-इंचाचा फुल-एचडी डिस्प्ले देण्यात आला आहे. याचा डायनॅमिक रिफ्रेश रेट 120Hz आहे. या फोनमध्ये ऑक्टा-कोर स्नॅपड्रॅगन 695 प्रोसेसर उपलब्ध आहे. तसेच, 64-मेगापिक्सलच्या ट्रिपल बॅक कॅमेऱ्यासह, 16-मेगापिक्सलचा सेल्फी कॅमेरा देण्यात आला आहे. 5,000mAh बॅटरी असणारा हा फोन 33W SuperVOOC वायर्ड चार्जिंग सपोर्टसह येतो.
Samsung Galaxy M33 5G (किंमत : 17,999 रुपये)
सॅमसंगच्या या फोनमध्ये क्वाड रियर कॅमेरा सेटअप देण्यात आला आहे, ज्यामध्ये 50MP प्रायमरी सेन्सर, 5MP अल्ट्रा-वाइड-अँगल सेन्सर, 2MP मॅक्रो शूटर आणि 2MP डेप्थ सेन्सर आहे. या फोनमध्ये 8MP सेल्फी कॅमेरा देखील आहे. Galaxy M33 5G फोनमध्ये 120Hz रिफ्रेश रेटसह 6.6 इंचाचा डिस्प्ले आहे. फोनमध्ये 25W चार्जिंग सपोर्टसह 6000mAh बॅटरी आहे. फोनमध्ये ऑक्टा-कोर 5nm Exynos प्रोसेसर देखील देण्यात आला आहे.
Poco X4 Pro 5G (किंमत : 17,999 रुपये)
POCO X4 Pro 5G मध्ये 120Hz रिफ्रेश रेटसह सुपर AMOLED डिस्प्ले देण्यात आला आहे. फोन 67W MMT Sonic सुपरफास्ट चार्जिंग सपोर्टसह उपलब्ध आहे. Poco X4 Pro 5G स्मार्टफोनमध्ये 64MP कॅमेरा सपोर्ट देण्यात आला आहे.
Realme 9 Pro (किंमत : 17,999 रुपये)
Realme 9 Pro 5G मध्ये 120Hz रिफ्रेश रेटसह 6.6 इंचाचा फुल एचडी डिस्प्ले देण्यात आला आहे. हा फोन ऑक्टा-कोर क्वालकॉम स्नॅपड्रॅगन 695 SoC चिपसेट सपोर्टसह येतो. फोनमध्ये 64-मेगापिक्सलचा ट्रिपल रिअर कॅमेरा, 8-मेगापिक्सेल वाईड अँगल लेन्स आणि 2-मेगापिक्सेल मायक्रो सेन्सर सेटअपसह देण्यात आला आहे. सेल्फीसाठी फोनमध्ये 16 मेगापिक्सलचा कॅमेरा आहे. फोनची 5,000mAh बॅटरी 33W डार्ट चार्जरसह येते.
Samsung Galaxy F23 5G (किंमत : 15,999 रुपये)
Galaxy F23 5G स्मार्टफोनमध्ये 6.6-इंचाचा फुल एचडी प्लस डिस्प्ले देण्यात आला आहे. हा फोन Snapdragon 750G मोबाईल प्लॅटफॉर्मवर सादर करण्यात आला आहे. फोनमध्ये 50MP ट्रिपल रियर कॅमेरा सेटअप देण्यात आला आहे. याशिवाय फोनमध्ये 123 डिग्री अल्ट्रा वाईड लेन्स सपोर्ट देण्यात आला आहे. या फोनमध्ये 8 मेगापिक्सेलचा फ्रंट कॅमेरा आहे. तसेच, 5000mAh ची मोठी बॅटरी देखील यात देण्यात आली आहे.
हेही वाचा :
महत्त्वाच्या बातम्या
ट्रेंडिंग न्यूज
