PM Modi In Solapur: पंतप्रधान महिन्याभरात पुन्हा महाराष्ट्र दौऱ्यावर; 30 हजार कामगारांच्या घराचे स्वप्न पूर्ण, मोदींच्या हस्ते मिळणार घराची चावी
PM Modi In Solapur: देशातील सर्वात मोठी कामगार वसाहत सोलापुरातल्या रे नगर येथे साकारत आहे. या वसाहतीच्या लोकार्पणासाठी पंतप्रधान नरेंद्र मोदी हे स्वतः सोलापूरला येणार असल्याची माहिती मिळत आहे.
सोलापूर: पंतप्रधान नरेंद्र मोदी (PM Modi) शुक्रवारी महाराष्ट्र दौऱ्यावर (Pm Modi In Maharashtra) येऊन गेले. या दौऱ्यात त्यांनी महाराष्ट्राला विविध प्रकल्पांचं लोकार्पण करत भेटी दिल्या. आता पुन्हा एकदा पंतप्रधान नरेंद्र मोदी महाराष्ट्र दौऱ्यावर येणार आहे. या वेळी निमित्त सोलापुरातील (Solapur News) कामगार वसाहतीच्या (Labor Colony) उद्घाटनाचं आहे
कामगारांचे शहर अशी सोलापूरची ओळख आहे. आधी सूतगिरणीमध्ये काम करणारे आता वस्त्रोद्योग, विडी उद्योग, बांधकाम अशा विविध क्षेत्रात हजारो कामगार सोलापुरात काम करत असतात. गरिबी पाचवीला पूजलेली असताना या कामगारांना मोडक्या तोडक्या घरांमध्ये राहण्याशिवाय पर्याय नसतो. मात्र संपूर्ण आयुष्य झोपडपट्टीत घालवणाऱ्या या कामगारांचे स्वतःच्या हक्काचं घर स्वप्न साकार होताना पाहायला मिळत आहे. देशातील सर्वात मोठी कामगार वसाहत सोलापुरातल्या रे नगर येथे साकारत आहे. या वसाहतीच्या लोकार्पणासाठी पंतप्रधान नरेंद्र मोदी हे स्वतः सोलापूरला येणार असल्याची माहिती मिळत आहे.
देशातील सर्वात मोठी ही कामगार वसाहत नेमकी कशी आहे?
350 एकर परिसर, 834 इमारती , 30 हजार फ्लॅट्स ही देशातील सर्वात मोठी कामगार वसाहत आहे, पंतप्रधान नरेंद्र मोदींनी 9 जानेवारी 2019 रोजी यांनी या प्रकल्पाचे शिलान्यास केले. जवळपास पाच वर्षानी पुन्हा नरेंद्र मोदी आपला शब्द पूर्ण करण्यासाठी सोलापुरात येणारं आहे. आयुष्यभर झोपडपट्टीत जगणाऱ्या कामगारांना देखील स्वतःच हक्काच घर असावं. याच उद्दिष्टाने पंतप्रधान आवास योजनेच्या माध्यमातून ही घरे साकारली आहेत. सलग 4 वर्ष जवळपास 10 हजार कामगारांनी मिळून हा रे नगर हा भव्य प्रकल्प साकारला गेला आहे. केवळ डोक्यावर छत नाही तर जगण्यासाठीच्या मूलभूत सोयी सुविधा देखील पुरवण्यासाठी प्रयत्न सुरु आहेत
कशी असणार आहे रे नगर वसाहत?
- एकूण 350 एकर परिसर
- एकूण 834 इमारत
- प्रत्येक इमारतीत 36 फ्लॅट्स
- एकूण 30 हजार कुटुंबासाठी घर
- एकूण 60 मेगावॅट विजेचे प्रकल्प काम सुरु
- 20 मेगावॅटचे काम पूर्ण
- परिसरात 7 मोठ्या पाणी टाकी ज्याची क्षमता 29 mld आहे
- यामुळे 24 तास पाणी पुरवठा शक्य
- परिसरात मलशुद्धीकरण केंद्र
- स्वतंत्र घनकचरा व्यवस्थापन यंत्रणा
- विद्यार्थ्यांसाठी जिल्हा परिषदतर्फे शाळा, अंगणवाडी सोय
- खेळण्यासाठी क्रीडा मैदान
- आरोग्यासाठी हॉस्पिटल
- लोकांच्या रोजगारासाठी व्यवसाय देखील उपलब्ध करण्याचे प्रयत्न सुरु
देशातील सर्वात मोठी कामगार वसाहत सोलापुरात उभारली
पंतप्रधान नरेंद्र मोदीच्या ड्रीम प्रोजेक्ट पैकी एक असलेल्या रे नगरचे उद्घाटन अवघ्या काही दिवसावर आल्याने सर्वच लोकार्पण सोहळ्यासाठी अहोरात्र प्रयत्न करत आहेत. येत्या काही दिवसात आपल्या घराच्या चाव्या मिळणार असल्याने कामगारांना देखील मोठा आनंद आहे. मागील दहा वर्ष केलेल्या नरसय्या आडम यांच्या प्रयत्नांना राज्य आणि केंद्र शासनाच्या मदतीमुळे मूर्त स्वरूप येताना दिसतं आहे. या प्रयत्नामुळे देशातील सर्वात मोठी कामगार वसाहत सोलापुरात उभारली गेलीय.
हे ही वाचा:
महत्त्वाच्या बातम्या
