![ABP Premium](https://cdn.abplive.com/imagebank/Premium-ad-Icon.png)
Sangli Crime : पुण्यानंतर सांगलीत ड्रग्जचा महापूर; मीठाच्या पोत्यात लपवलेलं 300 कोटींचे ड्रग्ज जप्त!
पुणे पोलीस आणि सांगली पोलिसांच्या मदतीने एका गोडाऊनवर छापा टाकून तपासणी केली असता त्या ठिकाणी 140 किलोचे अंदाजे 300 कोटींचे एमडी ड्रगचा साठा हा मीठाच्या पोत्यात लपवून ठेवल्याचे निदर्शनास आले.
![Sangli Crime : पुण्यानंतर सांगलीत ड्रग्जचा महापूर; मीठाच्या पोत्यात लपवलेलं 300 कोटींचे ड्रग्ज जप्त! Drug deluge in Sangli after Pune Drugs worth 300 crores hidden in salt bags seized Sangli Crime : पुण्यानंतर सांगलीत ड्रग्जचा महापूर; मीठाच्या पोत्यात लपवलेलं 300 कोटींचे ड्रग्ज जप्त!](https://feeds.abplive.com/onecms/images/uploaded-images/2024/02/21/eeae9fc6988564fe4d6073192195677f1708537498463736_original.jpg?impolicy=abp_cdn&imwidth=1200&height=675)
सांगली : पुण्यातील ड्रग्जचे सांगली कनेक्शन अखेर समोर आले आहे. पुणे गुन्हे शाखेनं केलेल्या कारवाईत कुपवाडमध्ये मिठाच्या पोत्यात लपवून ठेवलेले 300 कोटींचे 140 किलो एमडी ड्रग जप्त करण्यात आले. या प्रकरणी आयुब मकानदारसह दोघांना ताब्यात घेण्यात आलं आहे. याबाबतची अजूनही कारवाई सुरू आहे.
300 कोटींच्या आसपास किंमत असलेले ड्रग्ज जप्त
पुणे पोलिसांकडून दिल्ली आणि पुण्यातल्या ड्रग्ज कारवाईनंतर सांगलीमध्ये ड्रग्ज प्रकरणी सकाळपासून चौकशी सुरू केली होती. यामध्ये कुपवाड येथे मोठ्या प्रमाणात एमडी ड्रग्ज साठा असल्याच्या खात्रीलायक माहितीवरून पुणे पोलिसांच्या तपास पथकाने कुपवाड स्वामी मळा येथे एका गोडाऊनवर छापा टाकला. यामध्ये 140 किलोची ज्याची आंतरराष्ट्रीय बाजारात 300 कोटींच्या आसपास किंमत असलेले ड्रग्ज जप्त करण्यात आले.
पुणे पोलीस आणि सांगली पोलिसांच्या मदतीने कुपवाडमधील स्वामी मळा येथे एका गोडाऊनवर छापा टाकून तपासणी केली असता त्या ठिकाणी 140 किलोचे अंदाजे 300 कोटींचे एमडी ड्रगचा साठा हा मीठाच्या पोत्यात लपवून ठेवल्याचे निदर्शनास आले. या प्रकरणी आयुब मकानदार यांच्यासह दोघांना चौकशीसाठी ताब्यात घेण्यात आले असून याबाबतची अजूनही कारवाई सुरू आहे.
आयुब मकानदारवर यापूर्वीही ड्रग तस्करीचा गुन्हा दाखल होता. तसेच तो सात वर्ष येरवडा कारागरात होता. कारागृहात पुण्यातील आरोपीची मकानदार याची ओळख झाली होती. त्यामुळे मकानदारकडे हा साठा तात्पुरत्या स्वरूपात ठेवण्यासाठी पाठवण्यात आला होता याची माहिती मिळताच पुणे क्राईम ब्रँच आणि कुपवाड एमआयडीसी पोलीस यांच्या संयुक्त पथकाने आज दिवसभरात कुपवाड मधील वेगवेगळ्या ठिकाणी छापे टाकत कारवाई केली.
पुणे पोलिसांच्या इतिहासातील सर्वात मोठी कारवाई
दरम्यान, पुणे पोलिसांच्या इतिहासातील सर्वात मोठी कारवाई मागील दोन दिवसांत झाली आहे. दोन दिवसांत तब्बल 4 हजार कोटी रुपयांचं दोन हजार किलो एमडी ड्रग्ज जप्त करण्यात आलं आहे. पुणे, विश्रांतवाडी, कुरकुंभ, दौंड आणि राजधानी दिल्लीमध्ये मागील दोन दिवसांत ही कारवाई केली आहे. गुन्हे शाखेकडून वैभव उर्फ पिंट्या माने आणि त्याच्या साथीदारांना पकडून साडेतीन कोटींचे एमडी ड्रग्ज जप्त केल्यानंतर पोलिसांच्या कारवाईला सुरुवात झाली. मिळालेल्या माहितीच्या आधारावर विश्रांतवाडीतील भैरवनगरमधील गोदामातून 55 किलो ड्रग्ज जप्त केला. दौंडमधील कुरकुंब एमआयडीसीमधील अर्थकेम कारखान्यावर छापेमारीत करत पोलिसांनी 600 किलोपेक्षा जास्त ड्रग्ज जप्त केले.
इतर महत्वाच्या बातम्या
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)