Sambhajiraje Chhatrapati : संतोष देशमुखांच्या कुटुंबियांना न्यायासाठी मुख्यमंत्र्यांकडे जावं लागणं हेच दुर्दैवी; छत्रपती संभाजीराजेंची उद्विग्न प्रतिक्रिया
Sambhajiraje Chhatrapati : संतोष देशमुख यांच्या कुटुंबीयांना न्यायासाठी मुख्यमंत्र्यांच्याकडे जावं लागणं हेच दुर्दैवी असल्याची प्रतिक्रिया माजी खासदार छत्रपती संभाजीराजे यांनी केली आहे.
लातूर: मस्साजोग गावचे सरपंच संतोष देशमुख यांच्या हत्याप्रकरणावरुन राज्यभरातील वातावरण प्रचंड तापले आहे. या पार्श्वभूमीवर राज्यातील सर्व स्तरातून संतप्त प्रतिक्रिया उमटत आहे. दरम्यान आज राज्यातील अनेक भागात चक्काजाम आंदोलन करण्यात येत आहे. अशातच सरपंच संतोष देशमुख यांच्या हत्येचा कट करणारे तात्काळ फासावर लटकवा. मंत्री धनजय मुंडे आणि पंकजा मुंडे यांच्या मंत्रिपदाचा राजीनामा घ्यावा. या प्रकरणाचा तपास पूर्ण होईपर्यंत त्यांचा राजीनामा घ्यावा. संतोष देशमुख यांच्या परिवारास आर्थिक मदत करावी.अशा अनेक मागण्यांनी सध्या जोर धरला आहे.
अशातच, संतोष देशमुख यांच्या कुटुंबीयांना न्यायासाठी मुख्यमंत्र्यांच्याकडे जावं लागणं हेच दुर्दैवी असल्याची प्रतिक्रिया माजी खासदार छत्रपती संभाजीराजे यांनी केली आहे. दरम्यान या प्रकरणावरती छत्रपती संभाजीराजे यांनी धनंजय मुंडे यांच्यावर परत एकदा वार करत जोपर्यंत धनंजय मुंडे यांचा राजीनामा होत नाही आणि संतोष देशमुख यांना न्याय मिळत नाही तोपर्यंत आमचा लढा सुरू राहणार असल्याची प्रतिक्रिया दिली आहे.धनंजय मुंडे यांच्यामध्ये इतकं काय आहे की मुख्यमंत्री, उपमुख्यमंत्री काहीच भूमिका घेत नाहीत. धनंजय मुंडे ओबीसी समाजाचे आहेत, म्हणून सरकार ठोस भूमिका घेत नाही का? असा सवालही छत्रपती संभाजीराजे यांनी केला आहे
महाराष्ट्राच्या जनतेला मुर्खात काढत आहात का?
संतोष देशमुख यांच्या हत्येला जातीय रंग देऊ नये. अजित पवार आणि धनंजय मुंडे यांची भेट केवळ नवीन वर्षाचे शुभेच्छा देण्यासाठी होती का महाराष्ट्राच्या जनतेला मुर्खात काढत आहात का? संतोष देशमुख यांना मारत असल्याचे अनेक व्हिडिओ पोलिसांना मिळाले आहेत. पोलीस ते व्हिडिओ जनतेसमोर का आणत नाहीत? संतोष देशमुख यांच्या हत्येची तपासणी करण्यासाठी एसआयटी नेमली त्यामध्ये वाल्मीक कराड सोबत संबंध असलेले अधिकारी बीड मधील लहान मुलांपासून सर्वांना माहिती आहे. या प्रकरणातील आरोपी कोण आहेत हे साऱ्यांना माहिती आहे. मग सरकार याकडे दुर्लक्ष का करत आहे? सा सवालही छत्रपती संभाजीराजे यांनी केला आहे.
जर कोणी धमकी देण्याचे धाडस केलं तर....
महाराष्ट्रामध्ये दहशत पसरवण्याचे काम या घटनेमुळे होत आहे. या प्रकरणातील मारेकऱ्यांना शिक्षा देऊन दहशत मोडीत काढण्याचे पहिलं पाऊल उचलावं. याप्रकरणी अनेकांना धमकी आली आहे. मात्र मला धमकी देण्याचे धाडस कोण करत नाही. जर कोणी धमकी देण्याचे धाडस केलं तर पुढे बघू. किंबहुना शरद पवार यांनी या प्रकरणांमध्ये उचललेले पाऊल योग्य आहे. अजित पवार यांच्यासारख्या नेत्यांनी मतदारांना मालक झाला आहात का? असं म्हणणं योग्य नाही. मतदारांसमोर आपण हात जोडून जात असतो त्यांना सन्मान दिला पाहिजे. असेही छत्रपती संभाजीराजे म्हणाले.
हे ही वाचा
महत्त्वाच्या बातम्या
ट्रेंडिंग न्यूज
