एक्स्प्लोर

Ratan Tata Death: जिवलग मैत्री, खांद्यावर हात अन् बरंच काही...; रतन टाटांच्या निधनानंतर शांतनू भावूक, म्हणाला 'गुडबाय, माय डियर लाईटहाऊस'

Ratan Tata Death: रतन टाटांच्या जाण्यानं मैत्रीत पोकळी निर्माण झाली, असं शांतनूने सांगितले.

By : मुकेश चव्हाण | Updated at : 10 Oct 2024 10:28 AM (IST)

Ratan Tata Death Shantanu Naidu

Source : ABP

Ratan Tata Death: प्रसिद्ध उद्योगपती रतन टाटा (Ratan Tata) यांचे वयाच्या 86 वर्षी निधन झालं. आज (गुरूवारी) दुपारी 3.30 वाजता रतन टाटा यांच्यावर वरळीतील स्मशानभूमीत अंत्यसंस्कार करण्यात येणार आहे.

रतन टाटा (Ratan Tata) यांच्या निधनानंतर देशभरात हळहळ व्यक्त होताना दिसत आहे. रतन टाटा यांचे स्वीय सहाय्यक शांतनू नायडू (Shantanu Naidu) याने देखील सोशल मीडियावर आपल्या प्रतिक्रिया व्यक्त केल्या आहेत. रतन टाटांच्या जाण्यानं मैत्रीत पोकळी निर्माण झाली, असं शांतनूने सांगितले.

शांतनू नेमकं काय म्हणाला? (Shantanu Naidu On Ratan Tata)

रतन टाटांसोबतच्या मैत्रीने मला खूप काही दिलं. त्यांच्या जाण्याने या मैत्रीत आता पोकळी निर्माण झाली आहे. ती पोकळी भरून काढण्यासाठी मी माझं उर्वरित आयुष्य घालवीन. प्रेमाची किंमत दु:ख ही आहे. गुडबाय, माय लाईटहाऊलस…, अशी भावूक पोस्ट शांतनूने केली आहे.
Ratan Tata Death: जिवलग मैत्री, खांद्यावर हात अन् बरंच काही...; रतन टाटांच्या निधनानंतर शांतनू भावूक, म्हणाला 'गुडबाय, माय डियर लाईटहाऊस

कोण आहे शांतनू नायडू?

शांतनू याने अमेरिकेतील कॉर्नेल विद्यापीठातून एमबीएचे शिक्षण घेतले आहे. त्याचा जन्म 1993 मध्ये पुणे येथे झाला. खुद्द रतन टाटा यांनी फोन करुन, तू माझ्याबरोबर काम करणार का? अशी विचारणा शांतनूला केली होती. अनेकदा नवीन स्टार्टअप कंपन्यांमध्ये गुंतवणूक करण्यासंदर्भात सल्ले रतन टाटा शांतनूकडून घेतात, असेही सांगितले जाते. भटक्या श्वानांसाठी केलेल्या कामामुळे रतन टाटा यांची शांतनूसोबत जवळीक वाढली. शांतनूच्या कामाने टाटा खूप प्रभावित झाले होते. 2018 पासून रतन टाटा यांच्यासोबत शांतनू काम करत आहे. शांतनू नायडू याची गुडफेलोज ही कंपनी आहे. या कंपनीचा संस्थापक आहे. ज्येष्ठ नागरिकांना सुविधा मिळवून देण्यासाठी ही कंपनी कार्यरत असते. गुडफेलोज या कंपनीचे मूल्य पाच कोटीपेक्षा जास्त आहे. यामध्ये रतन टाटा यांनीही गुंतवणूक केली आहे.