Pravin Mane Join Ajit Pawar Group : फडणवीसांनी चहापानावर जबरदस्त डाव साधला; सुप्रिया सुळेंचा प्रचार करणारे सोनाईचे प्रवीण माने अजित पवार गटात जाण्याची शक्यता
सोनाई डेअरीचे चेअरमन प्रवीण माने आणि शरद पवारांचे निकटवर्तीय शरद पवारांना मोठा धक्का देण्याच्या तयारीत आहे. प्रवीण माने शरद पवारांची साथ सोडून अजित पवारांसोबत जाण्याची माहिती सुत्रांकडून मिळत आहे.
बारामती, पुणे : सोनाई डेअरीचे चेअरमन प्रवीण माने आणि शरद पवारांचे निकटवर्तीय शरद पवारांना मोठा धक्का देण्याच्या तयारीत आहे. प्रवीण माने शरद पवारांची साथ सोडून अजित पवारांसोबत जाण्याची माहिती सुत्रांकडून मिळत आहे. साधारण 11 वाजता ते आपली भूमिका स्पष्ट करणार आहे. इंदापूरच्या मेळाव्यापूर्वी उपमुख्यमंत्री देवेंद्र फडणवीस यांनी प्रवीण माने यांच्याकडे चहापान केलं होतं. त्यानंतर त्यांनी आपली भूमिका बदलल्याचं दिसत आहे.
बारातमी लोकसभा मतदार संघात असलेला आणि महत्वाचा मानला जाणारा इंदापूर मतदार संघात बारामती लोकसभा निवडणुकीच्यादृष्टीने अजित पवार आणि हर्षवर्धन पाटील यांच्या कार्यकर्त्यांमध्ये समेट घडवण्यासाठी आणि महायुतीमधील एकोपा वाढवण्यासाठी उपमुख्यमंत्री देवेंद्र फडणवीस (Devendra Fadnavis) यांची शुक्रवारी इंदापूरमध्ये (Indapur) सभा घेतली. या सभेपूर्वी फडणवीसांनी सोनाईच्या प्रवीण मानेंच्या घरी भेट दिली आणि चहापानाचा कार्यक्रम केला. अचानक प्रवीण मानेंच्या घरी फडणवीस दिसल्याने अनेकांच्या भुवया उंचावल्या.
बारामती लोकसभा मतदारसंघातील सगळ्यात महत्त्वाचा विधानसभा मतदारसंघ म्हणून इंदापूरमध्ये आमदार दत्तात्रय भरणे अजित पवारांच्या बाजूला गेल्यानंतर शरद पवारांच्या बाजूने कमी परंतु प्रवीण माने हे शरद पवारांच्या बाजूला असल्याने पुढील विधानसभेचा चेहरा म्हणून प्रवीण माने यांच्याकडेदेखील पाहिले जायचं परंतु उपमुख्यमंत्री देवेंद्र फडणवीस यांच्या उपस्थितीत इंदापूरमध्ये भाजपचा मेळावा पार पडणार होता. ज्यावेळी देवेंद्र फडणवीस इंदापूरला आले. त्यावेळी स्वागताला प्रवीण माने त्यांना अनेकांच्या भुवया उंचावल्या आणि नंतर देवेंद्र फडणवीस हर्षवर्धन पाटलांच्या घरी येणार होते हर्षवर्धन पाटलांच्या घरी येण्याआधी देवेंद्र फडणवीस प्रवीण माने यांच्या घरी पोहोचले आणि त्यामुळे चर्चा सुरू झाली की अजित पवारांची प्रवीण माने हे अजित पवारांसोबत गेलेत का? त्यानंतर भूमिका जाहीर करू असं प्रवीण माने यांनी सांगितलं होतं.परंतु आता प्रवीण माने हे आता पवारांसोबत जाणार आहेत. पुणे जिल्हा राष्ट्रवादीचे अध्यक्ष प्रवीण गारटकर यांच्या उपस्थितीत प्रवीण माने यांचा पक्षप्रवेश होईल.
सुप्रिया सुळेंंसाठी मैदानात उतरले पण...
सुप्रिया सुळे यांना उमेदवारी जाहीर झाल्यानंतर प्रवीण माने हे सुप्रिया सुळेंचा प्रचार करत होते. इंदापूरच्या प्रचाराची आखणी त्यांनी केली होती. सुप्रिया सुळेंचा प्रचार करुन इंदापूरात सुप्रिया सुळेंना विजयी करण्यासाठी कंबर कसली होती. मात्र आता त्यांनी निर्णय बदलला आणि ते अजित पवार गटात जाणार असल्यानं शरद पवार गटाला ऐन निवडणुकीत मोठा धक्का मानला जात आहे.
इतर महत्वाची बातमी-
महत्त्वाच्या बातम्या
