Sharad Pawar: छगन भुजबळ शरद पवारांसोबत एकाच मंचावर; नाराजीनाट्यानंतर आज काय बोलणार याकडे लक्ष
Sharad Pawar: राष्ट्रवादी काँग्रेसचे आंबेगावचे आमदार दिलीप वळसे पाटील यांनाही आमंत्रण देण्यात आलं आहे. या कार्यक्रमासाठी खासदार अमोल कोल्हे यांनी पुढाकार घेतला असल्याची माहिती आहे.
पुणे: चाकण (ता. खेड) येथील महात्मा जोतिराव फुले मार्केट यार्डच्या प्रवेशद्वारावर आज (शुक्रवारी ता. ३) सावित्रीबाई फुले यांच्या जयंतीनिमित्त महात्मा जोतिराव फुले व सावित्रीबाई फुले यांच्या पूर्णाकृती पुतळ्याचे अनावरण होत आहे. या कार्यक्रमासाठी राष्ट्रवादी काँग्रेस शरदचंद्र पवार पक्षाचे अध्यक्ष शरद पवार (Sharad Pawar) व आमदार छगन भुजबळ (Chhagan Bhujbal) यांच्या उपस्थितीत या पुतळ्यांचे अनावरण होणार आहे. त्यानिमित्ताने हे दोन्ही नेते पक्ष फुटीनंतर एकाच व्यासपीठावर येणार आहेत. दरम्यान, मंत्रिमंडळाच्या विस्तारात डावलल्यामुळे भुजबळ (Chhagan Bhujbal) नाराज होते. त्यानंतर ते परदेशात गेले. त्यानंतर आता शरद पवार व त्यांच्यात काही राजकीय संवाद होणार का, याकडे सर्वांचे लक्ष लागलेले आहे.
या कार्यक्रमाकडे राज्याचं लक्ष
पक्ष फुटीनंतर आणि गेल्या काही दिवसांमध्ये भुजबळांनी केलेली वक्तवे, बोलून दाखवलेली खदखद यामुळे शरद पवार आणि छगन भुजबळ यांच्यात या कार्यक्रमामध्ये काही चर्चा होते का? याकडे सर्वांचं लक्ष लागलं आहे, सावित्रीबाई फुलेंच्या जयंतीनिमित्त पुण्यातील कार्यक्रमात भुजबळ-पवार एकत्र येत आहेत. चाकण कृषी उत्पन्न बाजार समिती येथे महात्मा ज्योतिबा फुले आणि सावित्रीबाई फूले यांच्या पूर्णाकृती पुतळ्याच्या अनावरण प्रसंगी आयोजित कार्यक्रमाला राष्ट्रवादी काँग्रेस शरदचंद्र पवार पक्षाचे प्रमुख शरद पवार आणि ओबीसी नेते छगन भुजबळ उपस्थित असणार आहेत. सायंकाळी साडे चार वाजता कार्यक्रमाचे आयोजन करण्यात आलं आहे. दरम्यान या कार्यक्रमासाठी आमदार दिलीप वळसे पाटलांना देखील आमंत्रित करण्यात आलेलं आहे.
फडणवीस आणि भुजबळ एकाच मंचावर, अजित पवार अनुपस्थित राहणार
सावित्रीबाई फुलेंच्या जयंतीनिमित्त साताऱ्यातील नायगावात आज कार्यक्रम आयोजित करण्यात आला आहे. या कार्यक्रमात मुख्यमंत्री फडणवीस आणि मंत्रिपद न मिळाल्याने नाराज झालेले छगन भुजबळ एकत्र एका व्यासपीठावर येणार आहेत. उपमुख्यमंत्री एकनाथ शिंदेही या कार्यक्रमाला उपस्थित असतील. मात्र, अजित पवार या कार्यक्रमाला उपस्थित राहण्याची शक्यता कमी आहे. या कार्यक्रमाला राज्य मंत्रिमंडळातील मकरंद पाटील, जयकुमार गोरे, शिवेंद्रराजे भोसले, आदिती तटकरे हे मंत्री उपस्थित राहणार आहेत.
आजच्या या कार्यक्रमांमध्ये नेते काय बोलणार याबाबतची उत्सुकता आहे, त्याचबरोबर गेल्या काही दिवसांपासून भुजबळ नाराज असल्याच्या वेगळा निर्णय घेणार असल्याच्या चर्चा सुरू होत्या, महायुती सरकारच्या मंत्रिमंडळामध्ये छगन भुजबळ यांना स्थान मिळालेले नाही, त्यानंतर त्यांनी अजित पवारांवरती थेट टीका केली आणि तरी देखील अजित पवार यांनी त्यांच्या नाराजीबाबत अद्याप कोणतंही स्पष्टीकरण दिलेलं नसल्याची चर्चा होती, त्यानंतर छगन भुजबळ परदेशात गेले होते, आज ते पुन्हा भारतात परतत आहेत. उद्या शरद पवार आणि छगन भुजबळ एकत्र एका मंचावरती दिसणार आहेत, त्यामुळे ते सर्वांच्या चर्चेचा विषय ठरला आहे.
दरम्यान सावित्रीबाई फुले यांच्या जयंतीचा पहिला कार्यक्रम हा सातारा जिल्ह्यातील नायगाव या ठिकाणी आहे, या कार्यक्रमाला मुख्यमंत्री देवेंद्र फडणवीस, अजित पवार, राज्य मंत्रिमंडळातील अनेक मंत्री देखील उपस्थित राहणार आहेत, त्याच वेळी तिथे छगन भुजबळ देखील उपस्थित राहणार आहे. मात्र, तो कार्यक्रम झाल्यानंतर छगन भुजबळ हे शरद पवार यांच्या सोबतच्या दुसऱ्या कार्यक्रमाला उपस्थित राहणार आहेत. या ठिकाणी छगन भुजबळ शरद पवार काय बोलतात याकडे सर्वांचे लक्ष लागलेलं आहे.
महत्त्वाच्या बातम्या
ट्रेंडिंग न्यूज
