Pune News: 15 दिवसात FDAची तिसरी मोठी कारवाई; मांजरी, वानवडीनंतर कोंढव्यात बनावट पनीर कारखान्यावर छापा; 22 लाखांचा पनीर साठा जप्त
पुण्यातील कोंढवा बुद्रुकथील टिळेकरनगर परिसरातील मे.सद्गुरू कृपा मिल्क ॲण्ड मिल्क प्रॉडक्ट्स या कारखान्यावर कारवाई केली आहे. या कारवाईत 22 लाख 65 हजार रुपये किंमतीचा बनावट पनीर साठा जप्त करण्यात आला आहे.
Pune News: सणासुदीच्या पार्श्वभूमीवर अन्न व औषध प्रशासन कार्यालयाने कारवाईचा तडाखा लावला आहे. त्यांनी शहरात तिसरी कारवाई केली आहे. पुण्यातील (Pune) कोंढवा बुद्रुक(kondhava Budruk) येथील टिळेकरनगर परिसरातील मे.सद्गुरू कृपा मिल्क ॲण्ड मिल्क प्रॉडक्ट्स या कारखान्यावर कारवाई केली आहे. या कारवाईत 22 लाख 65 हजार रुपये किंमतीचा बनावट पनीर, स्किम्ड मिल्क पावडर, पामेलिन तेल आदी साठा जप्त केला. 5 सप्टेंबरपासून नकली पनीर बनवणाऱ्या तिसऱ्या कारखान्यावर ही कारवाई झाली आहे.
कारखान्यावर छापा टाकला असता अस्वच्छ परिस्थितीत दूध पावडर आणि पामोलिन तेलाचा वापर करुन बनवलेले बनावट पनीर तसेच स्किम्ड मिल्क पावडर व पामोलिन तेल साठविल्याचं आढळलं. साठ्यातून तपासणीसाठी नमुने घेत किंमत 2 लाख 39 हजार 800 रूपये किंमतीचे 1 हजार 199 किलो पनीर, 18 लाख 71 हजार 652 रूपये किंमतीचे 4 हजार 73 किलो स्किम्ड मिल्क पावडर, 1 लाख 53हजार 675 रूपये किंमतीचे 1 हजार 48 किलो आरबीडी पामोलीन तेल असा एकूण 22लाख 65 हजार 217 रुपये किंमतीचा साठा जप्त करण्यात आला.
पनीर हा पदार्थ नाशवंत असल्याने जप्त केलेला साठा जागेवरच नष्ट करण्यात आला. घेतलेले नमुने प्रयोगशाळेकडे तपासणीसाठी पाठविले असून अहवाल प्राप्त होताच कायदेशीर कारवाई करण्यात येईल. अन्न व औषध प्रशासन मंत्री संजय राठोड आणि आयुक्त परिमलसिंह यांच्या मार्गदर्शनाखाली पुणे कार्यालयातील सहायक आयुक्त रुपाली खामणे, अन्न सुरक्षा अधिकारी सुप्रिया जगपात व सोपान इंगळे यांच्या पथकाने ही कारवाई केली आहे.
1800222365 या टोल फ्री क्रमांकावर तक्रार करा
सण उत्सवांच्या कालावधीत ग्राहकांची फसवणूक करुन कमी दर्जाचे अन्न पदार्थ विक्री होण्याची शक्यता आहे. अशा प्रकारची बाब निदर्शनास आल्यास नागरिकांनी प्रशासनाच्या 1800222365 या टोल फ्री क्रमांकावर तक्रार नोंदवावी, आपले नाव गुप्त ठेवण्यात येईल असे आवाहन प्रशासनाचे पुणे विभागाचे सह आयुक्त संजय नारागुडे यांनी केले आहे.
वानवडीतील कारवाईत 800 किलो बनावट पनीर जप्त
पुण्यातील वानवडी येथील बनावट पनीर (Paneer) तयार करणाऱ्या मे. टिपटॉप डेअरी प्रॉडक्टस या विनापरवाना व्यवसाय करणाऱ्यावर कारवाई केली होती. अन्न व औषध प्रशासन कार्यालयाला बनावट पनीर तयार करत असल्याचं आढळून आल्याने कारखान्यावर छापा मारुन पनीरसाठा जप्त केला. 800 किलो बनावट पनीर तयार जप्त करण्यात आलं होतं सणासुदीच्या दिवसात बनावट खाद्यपदार्थांची विक्री केली जाते. याच काळात मोठ्या प्रमाणात भेसळ होण्याची शक्यता असते. त्यामुळे अन्न व औषध प्रशासन सतर्क झालं आहे.
महत्त्वाच्या बातम्या
ट्रेंडिंग न्यूज
