झिपलाईनिंग करण्यासाठी 30 फूटावर गेली, दोर अडकवण्यास स्टूलवर चढताच पाय सटकला अन्.... पुण्यात तरुणीचा मृत्यू

कुटुंबाच्या डोळ्यादेखत तरुणीचा मृत्यू झाल्याने परिसरात हळहळ व्यक्त केली जात आहे. या घटनेनंतर वॉटरपार्कमधील सुरक्षेच्या नियमांकडे दुर्लक्ष झाल्याचा आरोप होत आहे.

pune News

Source : ABPLIVE AI

Pune: पुण्यातील तरुणीला झिपलाईनिंग हा साहसी खेळ खेळणं चांगलंच भोवलं आहे. झिपलायनिंग करताना 30 फूट उंची वरून कोसळून तरुणीचा मृत्यू झाल्याची घटना पुणे जिल्ह्यातील भोर तालुक्यात घडली आहे.  तरल अटपाळकर अस मृत्यू झालेल्या 28 वर्षीय तरुणीचं नाव आहे. या प्रकरणातून वॉटरपार्कच्या मालकासह चालकावर सदोष मनुष्यवधाचा गुन्हा दाखल करण्यात आला आहे. घटनेमुळे परिसरात मोठी खळबळ उडाली हेाती. (Pune Water Park Zipplining Death)

नक्की घडले काय?

कुटुंबासोबत राजगड वॉटरपार्कमध्ये साहसी खेळ आणि मौज करण्यासाठी गेलेल्या तरुणीला झिप लाईन हा खेळ जीवावर बेतलाय. पुण्यातील भोर तालुक्यात ही घटना घडलीय. झिपलाईन करण्यासाठी तरुणी 30 फूट उंचीवर गेली. यात रोपवरून चालत असताना तिने सुरक्षा दोर वरच्या बाजूला रेलिंगला अडकवण्याचा प्रयत्न केला. पण रेलिंगपर्यंत हात जात नसल्याने जवळ असलेल्या लोखंडी स्टूलवर ती उभी राहिली. मात्र, स्टूल हलला आणि बाजूला असलेल्या रेलिंगवरून तिचा पाय सटकला आणि ती थेट 30 फूट उंचीवरून खाली पडली. यात तरुणीचा मृत्यू झाला आहे. याप्रकरणी आता वॉटरपार्क चालक आणि मालकावर सदोष मनुष्यवधाचा गुन्हा दाखल करण्याची मागणी केली जात आहे. सोबतच वॉटरपार्कचा निष्काळजीपणादेखील समोर आला आहे. यानंतर तिला तात्काळ नसरापूर येथील खासगी रुग्णालयात नेण्यात आले. पंरतु, तिथे डॉक्टरांनी तिला तपासून मृत घोषित केले. या प्रकरणी आकस्मीक मृत्यूची नोंद करण्यात आली  आहे. पुढील तपास पोलिसांकडून केला जात आहे. कुटुंबाच्या डोळ्यादेखत तरुणीचा मृत्यू झाल्याने परिसरात हळहळ व्यक्त केली जात आहे. या घटनेनंतर वॉटरपार्कमधील सुरक्षेच्या नियमांकडे दुर्लक्ष झाल्याचा आरोप होत आहे.

 

 

तनिषा भिसे मृत्यूप्रकरणी डॉ. सुश्रुत घैसासांची चौकशी होणार

पुणे पोलीस डॉ. घैसास यांना नोटीस पाठवून चौकशीसाठी बोलवणार असल्याची माहिती समोर आली आहे. सूत्रांच्या माहितीनुसार, आज पुणे पोलीस डॉ. घैसास (Sushrut Ghaisas) यांना नोटीस पाठवणार आहेत. सगळी घटना आता पुणे पोलीस घैसास यांच्याकडून जाणून घेतील. पुण्यातील तनिषा भिसे मृत्यू प्रकरणात डॉ. सुश्रुत घैसास यांच्यावर निष्काळजीपणा दाखवल्याचा ठपका ठेवून गुन्हा दाखल करण्यात आला आहे. कलम 106( 1 ) या अंतर्गत त्यांच्यावर गुन्हा दाखल करण्यात आला आहे. 

हेही वाचा: