Pune dagadusheth ganpati 2023 : द़गडूशेठ गणपतीची क्रेझ सातासमुद्रापार, परंपरेला सोशल मीडियाची जोड; 56 लाखांहून अधिक भक्तांनी घेतलं Online दर्शन
सातासमुद्रापार द़गडूशेठ गणपतीची क्रेझ पाहायला मिळत आहे. 56 लाखांहून अधिक भक्तांनी Online दर्शन घेतलं आहे. फेसबुकवरुन, इन्स्टाग्रामवरुन अनेकांनी दर्शन घेतलं आहे.
पुणे : श्रीमंत दगडूशेठ हलवाई गणपतीची (Shrimant dagdusheth ganpati) क्रेझ सातासमुद्रापार गेली आहे. नेपाळ, अमेरिका, थायलंड, कॅनडा, इंडोनेशिया, पाकिस्तान, ऑस्ट्रेलिया आदी देशांमधून वेबसाईट, फेसबुक, यू ट्यूब, इन्स्टाग्राम, ट्विटरसह श्रीमंत दगडूशेठ हलवाई गणपती ट्रस्टच्या सोशल मीडियावर तब्बल 56 लाखांहून अधिक गणेशभक्तांनी गणपतीचे दर्शन घेतले आहे. केवळ भारतातीलच नव्हे, तर जगभरातील गणेशभक्तांना श्रीमंत दगडूशेठ हलवाई गणपतीचे आकर्षण आहे. प्रत्यक्ष गणपतीचे दर्शन घेता आले नसले, तरी ऑनलाईन माध्यमातून उत्सवाचा आनंद जगभरातील भाविक घेत आहेत. ट्रस्टतर्फे दर्शाची ऑनलाईन सुविधा उपलब्ध करुन देण्यात आली आहे.
श्रीमंत दगडूशेठ हलवाई सार्वजनिक गणपती ट्रस्ट, सुवर्णयुग तरुण मंडळ च्यावतीने ट्रस्टच्या 131 व्या वर्षीचा गणेशोत्सव सुरु आहे. सप्टेंबर महिन्याच्या सुरुवातीपासूनच ट्रस्टतर्फे विविध कार्यक्रम सुरु झाले. तेव्हापासून ट्रस्टच्या वेबसाईटवरुन हजारो भाविक दर्शन घेत आहेत. वेबसाईटवरुन दररोज सकाळी आणि रात्री होणारी लाईव्ह आरती आणि दर्शन देखील गणेशभक्त घेत आहेत.
भारतातील पुण्यासह मुंबई, दिल्ली, नागपूर, नाशिक, ठाणे, गुजरातमधील अहमदाबाद, सूरत, कोल्हापूर, नेपाळमधील काठमांडू आदी शहरांमधून आॅनलाईन पद्धतीने बाप्पांचे दर्शन घेण्यात आले आहे. तसेच नेपाळ, अमेरिका, थायलंड, कॅनडा, इंडोनेशिया, पाकिस्तान, ऑस्ट्रेलिया आदी देशांतील भक्तांनी दगडूशेठ च्या श्रीं चे दर्शन घेण्यासाठी ट्रस्टच्या सोशल मीडियावर भेट दिली आहे.
सुमारे 34 लाख 69 हजार भाविक फेसबुकवरुन, इन्स्टाग्रामवर 21 लाख 77 हजार यांसह 18 हजारहून अधिक यूटयूब व अ‍ॅप वरुन देखील गणेशभक्तांनी भेट दिली आहे. यामुळे यंदाच्या गणेशोत्सव काळात आजपर्यंत तब्बल 56 लाखांहून अधिक गणेशभक्तांनी ऑनलाईन दर्शनाचा लाभ घेतला आहे. डिजीटल माध्यमातून ट्रस्टच्या सामाजिक उपक्रमांना देखील भक्त जोडले गेले आहेत.
उत्सवकाळात भारतासह परदेशातील गणेशभक्तांना घरच्या घरी श्रीं चे आॅनलाईन दर्शन घेण्याची व्यवस्था देखील ट्रस्टने केली असून ट्रस्टच्या वेबसाईट, अ‍ॅप, फेसबुक, यू ट्यूब, ट्ट्विटर या माध्यमांद्वारे www.dagdushethganpati.com, http://bit.ly/Dagdusheth-Live, iOS : http://bit.ly/Dagdusheth_iphone_App Android: http://bit.ly/ Dagdusheth _ Android_App या लिंकवर उत्सवकाळात 24 तास दर्शनाची सोय करण्यात आली आहे. तरी भाविकांनी आॅनलाईन सुविधांचा देखील लाभ घ्यावा, असे आवाहन ट्रस्टतर्फे करण्यात आले आहे.
पुणेकरांचीही रात्रंदिवस गर्दी...
पुणेकरांचा लाडका गणपती असणाऱ्या दगडूशेठ गणपतीचं दर्शन घेण्यासाठी पुणेकर रोज मोठी गर्दी करत आहे. हजारोंच्या संख्येने पुणेकरच नाही तर राज्यातील अनेक लोक पुण्यात दाखल होत आहेत. त्यांच्यासोबतच सेलेब्रिटी आणि नेतेमंडळीदेखील दर्शनासाठी हजेरी लावत आहे.
इतर महत्वाची बातमी-
hau Rangari Ganpati : इंग्रजांनाही न कळलेली जागा; पुण्यातील भाऊसाहेब रंगारी वाडा
महत्त्वाच्या बातम्या
ट्रेंडिंग न्यूज
