Pune crime news : तरुणीला गुंगीचं औषध देऊन लैंगिक अत्याचार; व्हिडीओ व्हायरल करण्याची धमकी देत उकळले 16 लाख

Pune Crime News : पुस्तक खरेदी करण्यासाठी पुण्यात आलेल्या तरुणीला सॉफ्ट ड्रिंकमधून गुंगीचे औषध देऊन तिच्यावर लैंगिक केल्याचा धक्कादायक प्रकार समोर आला आहे.

pune crime

Pune Crime News :  पुस्तक खरेदी करण्यासाठी पुण्यात (Pune) आलेल्या तरुणीला (Pune news) सॉफ्ट ड्रिंकमधून (coldrink) गुंगीचे औषध देऊन तिच्यावर लैंगिक (rape case pune) केल्याचा धक्कादायक प्रकार समोर आला आहे. एवढंच नाही तर त्या मुलीला विवस्त्र करुन तिचे अश्लील व्हिडीओ (porn video viral) व्हायरल करण्याची धमकी देऊन 16 लाख 86 हजार रुपये उकळले आहेत. या प्रकरणी 27 वर्षीय तरुणीने शिवाजी नगर पोलीस ठाण्यात तक्रार नोंदवली आहे. त्यानंतर पोलिसांनी तरुणाला बेड्या ठोकल्या आहेत. 

पिंपरीतील 33 वर्षीय फहीम नईम सय्यद असे अटक केलेल्या आरोपीचे नाव आहे. याप्रकरणी एका 27 वर्षाच्या तरुणीने शिवाजीनगर पोलीस ठाण्यात तक्रार दिली आहे. हा प्रकार बालगंधर्व रंगमंदिरसमोरील विजय लॉज येथे 2 नोव्हेंबर रोजी दुपारी साडेचार ते 3 नोव्हेंबर रोजी सकाळी 11 वाजेपर्यंत तसेच 5 नोव्हेंबर 2022 ते 19 जानेवारी 2023 दरम्यान घडला आहे. 

सॉफ्ट ड्रिंकमधून गुंगीचे औषध देऊन बलात्कार

तक्रारदार तरुणी ही सांगलीतील आहे. पुस्तक घेण्यासाठी ती पुण्यात येत होती. त्यादरम्यान बसमध्ये तिची आणि फहीम सय्यद याच्याशी ओळख झाली. त्याने आपली ट्रॅव्हल एजन्सी असल्याचे सांगितले. त्यांनी एकमेकांना मोबाईल नंबर दिले. त्यावरुन त्यांच्यात संभाषण होऊ लागले. काही महिन्यांपूर्वी पुण्यात येत असताना त्याने तिला फोन केला. दोघांनी मिळून पुस्तकाची खरेदी केली आणि त्यानंतर जेवणाच्या बहाण्याने तिला बालगंधर्व चौकातील एका हॉटेलमध्ये नेले. त्यानंतर तिला सॉफ्ट ड्रिंकमधून गुंगीचे औषध देऊन तिला विजय लॉजवर नेले. तिथे तिच्यावर बलात्कार केला. तिचे विवस्त्र अवस्थेतील व्हिडीओ काढले.

व्हिडीओ व्हायरल करण्याची धमकी 

हा सगळा प्रकार घडल्यानंतर त्याने तिला अश्लील व्हिडीओ व्हायरल करण्याची धमकी दिली. तिला बदनामी करणार असं सांगून अनेकदा धमकावण्याचा प्रयत्न केला आणि तिच्याकडे पैशाची मागणी केली. आपली बदनामी होऊ नये, म्हणून या तरुणी कर्ज काढून त्याला महिन्याभरात 16 लाख 86 हजार रुपये दिले. तरीही त्यांची मागणी थांबत नसल्याने त्यांनी पोलिसांकडे धाव घेऊन तक्रार दिली आहे. पोलिसांनी फहीम सय्यद याला अटक केली. सय्यद याची ट्रॅव्हल एजन्सी नसून तो एका एजन्सीत चालक म्हणून काम करत असल्याचे उघड झाले. त्यानंतर पोलिसांनी त्याच्यावर कारवाई केली आणि त्या 33 वर्षीय नराधमाला पोलिसांनी बेड्या ठोकल्या आहेत. 

हेही वाचा