![ABP Premium](https://cdn.abplive.com/imagebank/Premium-ad-Icon.png)
Pune crime: आधी स्वारगेट नंतर कात्रज बस स्टॉपवर 21 वर्षीय महिलेवर बसमध्ये अत्याचार ; पुण्यातील धक्कादायक घटना
पुण्यात एका 21 वर्षीय महिलेचे ट्रॅव्हल्समधून अपहरण करत तिच्यावर बलात्कार केल्याचा धक्कादायक प्रकार पुण्यात घडला आहे. ही महिला नोकरी शोधण्यासाठी बाहेर गावावरून पतीसोबत पुण्यात आली होती.
![Pune crime: आधी स्वारगेट नंतर कात्रज बस स्टॉपवर 21 वर्षीय महिलेवर बसमध्ये अत्याचार ; पुण्यातील धक्कादायक घटना Pune crime: 21 year old woman abducted and tortured, travels driver charged Pune crime: आधी स्वारगेट नंतर कात्रज बस स्टॉपवर 21 वर्षीय महिलेवर बसमध्ये अत्याचार ; पुण्यातील धक्कादायक घटना](https://feeds.abplive.com/onecms/images/uploaded-images/2022/06/03/b259f7a312ef628992ed4f25474acd27_original.jpg?impolicy=abp_cdn&imwidth=1200&height=675)
Pune crime News: पुण्यात (Pune) एका 21 वर्षीय महिलेचे ट्रॅव्हल्समधून अपहरण करत तिच्यावर बलात्कार केल्याचा धक्कादायक प्रकार पुण्यात घडला आहे. ही महिला नोकरी शोधण्यासाठी बाहेर गावावरून पतीसोबत पुण्यात आली होती. पुण्यात राहण्यासाठी ते खोली शोधत होते. यावेळी संबंधित आरोपीने या दाम्पत्याला ट्रॅव्हल्समध्येच झोपण्यास सांगितले. त्यानंतर ट्रॅव्हल्स अचानक सुरू करून कात्रज परिसरात घेऊन जात महिलेवर बलात्कार केला. या घटनेने शहरात खळबळ उडाली आहे. पती वॉशरूमला जाताच त्याने हे कृत्य केले आहे.
काय आहे प्रकरण?
याप्रकरणी चालक नवनाथ शिवाजी भोंग (वय 38) याला पोलिसांनी अटक केली आहे. याबाबत 21 वर्षीय महिलेने स्वारगेट पोलीस ठाण्यात तक्रार दिली आहे. पिडित महिला पतीसोबत पुण्यात आली होती. नोकरीच्या शोधात या दोघांनी पुणे गाठलं होतं. पुण्यात राहण्यासाठी घर शोधत होते. रात्र झाल्यामुळे आरोपी भोंग यांनी या दाम्पत्याला ट्रॅव्हल्समध्ये झोपण्यास सांगितले. दोघेही नवीन असल्याने त्यांनी ट्रॅव्हल्समध्ये झोपण्याचा निर्णय घेतला. त्यानंतर काही वेळाने महिलेचे पती वॉशरूमला गेले. दरम्यान पती वॉशरूमला गेल्याचे पाहून आरोपीची नियत फिरली. त्याने अचानक गाडी सुरू केली आणि महिलेचे अपहरण केले. त्यानंतर स्वारगेट बस स्थानकाच्या परिसरात फुटपाथवर या महिलेला घेवून जात तिच्यावर बलात्कार केला. त्यानंतर आरोपीने पुन्हा बस कात्रज परिसरात नेली आणि तेथील फुटपाथवर दुसऱ्यांदा बलात्कार केला.
महिलेचा पती परत आल्यानंतर त्या गाडी न दिसल्याने तो गोंधळला. सगळ्या परिसरात विचारपूस करत होता. मात्र बस व पत्नी न सापडल्याने त्याने पोलिसांकडे धाव घेतली आणि त्यानंतर हा प्रकार उजेडात आला. पोलिसांनी तत्काळ तसाप सुरु केला. स्वारगेट आणि कात्रज या दोन्ही परिसरात महिलेवर बलात्कार केला होता. त्यामुळे दोन्ही परिसरातील पोलीस आरोपीच्या शोधात होते अखेर पोलिसांनी चालकाला अटक केली आहे.
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)