(Source: ECI/ABP News/ABP Majha)
Pune Crime News: धक्कादायक! उच्चशिक्षित पतीकडून पत्नीचा गळा आवळून खून
उच्चशिक्षित तरुणाने पत्नीचा गळा आवळून खून केल्याची धक्कादायक घटना पिंपरी-चिंचवडमध्ये घडली आहे. शिवम पचौरी असं आरोपीचं नाव आहे. अवंतिका शर्मा असं खुन झालेल्या महिलेचं नाव आहे.
Pune Crime News: उच्चशिक्षित तरुणाने पत्नीचा गळा आवळून खून (Murder) केल्याची धक्कादायक घटना पिंपरी-चिंचवडमध्ये (Pimpri-chinchwad )घडली आहे. त्यामुळे परिसरात भीतीचं वातावरण निर्माण झालं आहे. पती-पत्नी दोघेही उच्चशिक्षित होते. अनेक दिवसांपासून आरोपी पत्नीला मारहाण करायचा याच वादातून पत्नीचा खून केल्याचं पोलिसांनी सांगितलं आहे.
शिवम पचौरी असं आरोपीचं नाव आहे. अवंतिका शर्मा असं खुन झालेल्या महिलेचं नाव आहे. शिवम पचौरीला हिंजवडी पोलिसांनी अटक केली आहे. दोघांना तीन वर्षांची मुलगी आहे, मद्यपान केलेल्या शिवम ने अवंतीकाच डोकं भिंतीवर, किचनवर आपटून गळा आवळत खून केलाय, यानंतर स्वतः पोलीस कंट्रोलला फोन करून घटनेची माहिती दिली, तीन वर्षीय चिमुकली समोरच आईचा वडिलाने गळा आवळलाय, आरोपी शिवम हा आयटी कंपनीत काम करायचा, सध्या तो बेरोजगार होता.
काय आहे प्रकरण?
शिवम पचौरी आणि अवंतिका शर्मा हे दोघेही पिंपरी-चिंचवडमधील हिंजवडी परिसरात राहत होते. गेल्या अनेक दिवसांपासून त्यांच्यात वादावादी सुरु होती. पती शिवम पत्नी अवंतिकाला मारहाण करायचा. त्या दोघांना एक मुलगी देखील आहे. त्यांच्यातले वाद विकोपाला गेले त्यानंतर आरोपी शिवमने पत्नी अवंतिाचा गळ आवळून खून केला. या सगळ्या प्रकरणानंतर पतीने आरोपीने स्वत: फोन करुन पोलिसांना माहिती दिली.
सध्या बेरोजगार होता आरोपी
शिवम पचौरीने स्वत:च्या तीन वर्षांच्या डोळ्यादेखत पत्नीचा गळा आवळून खून केला. आरोपी शिवम हा आयटी कंपनीत काम करायचा. प्रचंड प्रमाणात मद्यपान करायचा. काही कारणात्सव त्याची नोकरी गेली होती. सध्या तो बेरोजगार होता.
औरंगाबादमध्येही घडली होती अशी घटना
बहिणाला सतत मारहाण करणाऱ्या भावोजीची मेहुण्याकडून हत्या करण्यात आली होती. हिमायतबाग परिसरात काल एक मृतदेह जळालेल्या अवस्थेत आढळून आला होता. त्यांनतर वरिष्ठ पोलिसांनी घटनास्थळी भेट देऊन अधिक तपास करत अवघ्या एक दिवसात आरोपीला बेड्या ठोकल्या होत्या. पोलिसांच्या तपासात ही माहिती पुढे आली होती.
महत्त्वाच्या बातम्या
ट्रेंडिंग न्यूज
