Mumbai-Pune Expressway Accident : मुंबई-पुणे द्रुतगती मार्गावर भीषण अपघात, डिव्हाईडरचा रॉड कारच्या आरपार घुसला

Mumbai-Pune Expressway Accident : पुणे-मुंबई द्रुतगती मार्गावर आणखी एक भीषण अपघात झाला आहे. डिव्हाईडरचा अख्खा रॉड कारच्या बरोबर मधून आर-पार गेला. सुदैवाने अपघातात कोणतीही जीवितहानी झाली नाही.

Mumbai Pune Expressway Accident

Mumbai-Pune Expressway Accident : पुणे-मुंबई द्रुतगती मार्गावर (Mumbai Pune Expressway) आणखी एक भीषण अपघात (Accident) झाला आहे. डिव्हाईडरचा (Divider) अख्खा रॉड कारच्या बरोबर मधून आर-पार गेला. मात्र म्हणतात ना देव तारी त्याला कोण मारी, अगदी त्याच्याच प्रत्यय या प्रसंगी ही आला. अपघातानंतरचे हे फोटो पाहिल्यावर गाडीतून प्रवास करणाऱ्यांची काय अवस्था झाली असेल असंच मनात येतं. पण सुदैवाने तिघांच्या मधून डिव्हायडरचा रॉड आरपार गेला. या अपघातात एका प्रवाशाला गंभीर इजा झाली आहे, त्या प्रवाशाला तातडीने रुग्णालयात दाखल करण्यात आलं आहे. 

हा अपघात आज (18 मार्च) साडे सातच्या सुमारास सोमाटणे फाट्यावर झाला. मुंबईवरुन सोमाटण्याकडे वळताना चालकाचा गाडीवरील ताबा सुटला अन् गाडी थेट अशा पद्धतीने डिव्हाईडरमध्ये घुसली. या कारमधून चालक आणि दोन प्रवासी महिला असे एकूण तीन जण प्रवास करत होते. सुदैवाने अपघातात कोणतीही जीवितहानी झाली नाही.

मुंबई-पुणे एक्स्प्रेसवेवर कालही अपघात

दरम्यान काल (17 मार्च) याच परिसरात कारने ट्रकला मागून धडक दिली होती. अर्धी कार ट्रक खाली अडकल्याने तीन प्रवाशांचा जागीच मृत्यू झाला होता. ही कार मुंबईहून पुण्याकडे जात होती. उर्से टोलनाक्याजवळ कारने ट्रकला मागून जोरदार धडक दिली. अपघात एवढा भीषण होता की अर्धी कार ट्रकखाली गेली. यामुळे कारमधील तिघांचा जागीच मृत्यू झाला. त्यानंतर महामार्ग पोलिसांनी यंत्रणांच्या मदतीने यातील वाहने बाजूला करून वाहतूक सुरळीत केली. 

द्रुतगती मार्गावरील अपघातांची संख्या वाढतीच

मुंबई आणि पुणे या दोन महत्वाच्या शहरांना जोडणारा हा मार्ग सुसाट गतीने धावतो. मात्र या मार्गावर अपघातांची संख्या देखील मोठ्या प्रमाणात बघायला मिळते. अनेकदा मोठ-मोठ्या अपघातांमुळे या मार्गावर अनेकांना जीव गमवावा लागला आहे. अनेकांची कुटुंब उद्ध्वस्त झाली आहेत. मात्र तरीही योग्य सुविधा उपलब्ध झाल्या नाहीत. अपघाताचं सत्र कधी संपणार हा प्रश्न गेल्या अनेक वर्षांपासून विचारला जात आहे. विनायक मेटेंच्या अपघाती मृत्यूनंतर या महामार्गाच्या सुरक्षित प्रवासाचा मुद्दा ऐरणीवर आला. त्यानंतर विरोधकांनी यावरुन गदारोळही केला. त्यानंतर सरकारने तात्काळ पावले उचलत इंटिलिजन्स ट्रॅफिक मॅनेजमेंट सिस्टम सुरु करण्याचा निर्णय घेतला. 340 कोटींचा हा प्रकल्प असेल. यातील 115 कोटी उभारणी साठी तर उर्वरित 225 कोटी हे पुढील दहा वर्षाच्या देखभालीसाठी कंत्राटदाराला दिले जाणारे आहेत. 

संबंधित बातमी