Ajit Pawar Plane Crash CCTV: अजित पवारांच्या विमान अपघाताचा थरारक CCTV समोर; स्फोट अन् आगीचे, धुरीचे लोट, बारामतीमध्ये नेमकं काय घडलं?, VIDEO

Ajit Pawar Plane Crash CCTV: . बारामती विमानतळाजवळच त्यांचं विमान कोसळलं. लँडिंगसाठी तांत्रिक अडथळा आल्याचं प्रत्यक्षदर्शी सांगतात. त्यांचं विमान ८ वाजून ४६ मिनिटांनी कोसळलं आणि स्फोट झाला.

Ajit Pawar Plane Crash CCTV

Source : ABPLIVE AI

Ajit Pawar Baramati Plane Crash: महाराष्ट्राचे उपमुख्यमंत्री आणि राष्ट्रवादी काँग्रेस पक्षाचे नेते अजित पवार (Ajit Pawar) यांचं आज विमान अपघातात दुर्दैवी मृत्यू झाला आहे. अजित पवार मुंबईहून बारामतीमध्ये येत असताना आज (28 जानेवारी) अजित पवार यांच्या विमानाचा लॅंडिंगदरम्यान भीषण अपघात झाला. विमान लँडिग होतानाच अपघात झाला आणि विमानाने पेट घेतला. अपघातानंतर विमानाचे अक्षरशः तुकडे तुकडे झाले होते. (Ajit Pawar Plane Crash)  अपघात झाला  त्यावेळी अजित पवार यांच्यासह विमानात पाच जण होते. विमानात अजित पवार आणि त्यांचे सुरक्षारक्षक देखील होते. दोन कॅप्टन, एक क्रू मेंबर आणि एका सहकाऱ्याचा या भीषण अपघातात मृत्यू झाला आहे. या अपघाताचं सीसीटीव्ही फुजेट आता समोर आलेलं आहे.

सकाळी ८ वाजून ४६ मिनिटांनी हा भीषण अपघात झाला

अजित पवारांच्या अपघाताचा सीसीटीव्ही फुटेजमध्ये हा स्फोट किती मोठा होता ते दिसून येते. आज (बुधवारी, ता २८) सकाळी ८ वाजून ४६ मिनिटांनी हा भीषण अपघात झाला. ज्या ठिकाणी अपघात झाला त्या ठिकाणी विमानाचा मोठा स्फोट झाला होता, आगीचे आणि धुराचे लोट परिसरात पसरले, जवळच असलेल्या एका सीसीटीव्हीमध्ये हा अपघात रेकॉर्ड झाला, विमान बारामती मध्ये लँड करत असतानाच हा अपघात झाला आणि क्षणार्धात विमानाने पेट घेतला, यामध्ये उपमुख्यमंत्री अजित पवारांसह पाच जणांचा दुर्दैवी मृत्यू झाला. विमानाचा स्फोट झाल्यानंतर त्याचे तुकडे आजूबाजूला असणाऱ्या घरांच्या परिसरामध्ये जाऊन पडले. मोठा आवाज झाल्यानंतर आजूबाजूचे रहिवासी आणि नागरिक घटनास्थळी दाखल झाले. अजित पवार हे जिल्हा परिषद, पंचायत समिती निवडणुकीच्या प्रचारासाठी मुंबईहून थेट बारामतीत अजित पवार आले होते. बारामती विमानतळाजवळच त्यांचं विमान कोसळलं. लँडिंगसाठी तांत्रिक अडथळा आल्याचं प्रत्यक्षदर्शी सांगतात. त्यांचं विमान ८ वाजून ४६ मिनिटांनी कोसळलं आणि स्फोट झाला. विमानमध्ये असलेल्या ५ जणांचं निधन झाल्याची माहिती आहे.

Ajit Pawar Plane Crash CCTV: सकाळी 8 वाजून 46 मिनिटांनी अपघात; स्फोट अन् आगीचे, धुरीचे लोट, अजित पवारांच्या विमान अपघाताचा सीसीटीव्ही समोर; नेमकं काय घडलं? #ajitpawar #maharashtrapolitics #pune #ajitpawarplanecrash pic.twitter.com/f9gIAF7INT

— Ankita Shantinath Khane (@KhaneAnkita) January 28, 2026

Ajit Pawar Baramati Plane Crash:  बिघाडामुळे विमान धावपट्टीवर लॅंड होऊ शकले नाही अन्...

अजित पवारांच्या विमानाचा अपघात बारामती एअरपोर्ट पासून दोन ते तिन किलोमीटर अंतरावर झाला आहे. विमानात ऐनवेळी झालेल्या बिघाडामुळे विमान धावपट्टीवर लॅंड होऊ शकले नाही. एअरपोर्ट पासून पुढे दोन ते तिन किलोमीटर अंतरावर असलेल्या उतारावरील जमिनीवर जाऊन हे विमान कोसळले. जिथे हे विमान कोसळले तिथे खोलगट भाग आहे. आजुबाजुला झाडं झूडपं आणि उस शेती आहे. शेजारी काही घरांची वस्ती आहे. या विमानाचा जळून कोळसा झाला. मात्र आश्चर्याची बाब म्हणजे विमानातील कागदपत्रं सहिसलामत राहिलीत. कदाचित विमान जमिनीवर कोसळल्यानंतर विमानाचे दोन तूकडे झाले आणि कागदपत्रं बाहेर फेकली गेली .

Ajit Pawar Baramati Plane Crash: विमानात कोण कोण होते?

अजित पवार
विदीप जाधव
पिंकी माळी
कॅप्टन सुमित कपूर
कॅप्टन शांभवी पाठक

Ajit Pawar Baramati Plane Crash: असा झाला अपघात?

1. सकाळी 8.10 मिनिटं

मुंबईतून लियरजेट 45 XR विमानाचं बारामतीकडे उड्डाण

अजित पवारांसह 5 जण विमानात

2. सकाळी 8.40 मिनिटं

विमान बारामती एअरस्ट्रीपच्या अगदी जवळ होते

विमानात तांत्रिक बिघाड

3. सकाळी 8.46 मिनिटं

तांत्रिक बिघाडामुळे वैमानिकाचं नियंत्रण सुटलं

बारामतीतील गोजुबावी परिसरातील शेतात विमान कोसळलं

अजित पवारांसह 5 जणांचा मृत्यू