Prashant Koratkar : जामीन फेटाळला, सात दिवसांची मुदतवाढ सुद्धा नाकारली तरी प्रशांत कोरटकर पोलिसांना शरण नाहीच
Prashant Koratkar : छत्रपती शिवाजी महाराज यांच्याविषयी अपशब्द वापरणाऱ्या प्रशांत कोरटकर आता अटकपूर्व जामिनासाठी मुंबई उच्च न्यायालयाच्या नागपूर खंडपीठात अर्ज करणार असल्याची माहिती पुढे आली आहे.
Prashant Koratkar : इतिहासकार इंद्रजित सामंत यांना शिवीगाळ करत धमकी देणाऱ्या आणि छत्रपती शिवाजी महाराज यांच्याबद्दल अपशब्द वापरणाऱ्या प्रशांत कोरटकर (Prashant Koratkar) याचा अंतरिम जामीन अर्ज न्यायालयाने फेटाळला आहे. कोल्हापूरच्या सत्र न्यायालयाने हा निर्णय देत जामीन अर्ज फेटाळला आहे. या निर्णयामुळे आता कोरटकर याच्या अडचणी वाढल्या आहेत. अंतरिम जामिनाचा अर्जच फेटाळण्यात आल्यामुळे त्याला कोणत्याही क्षणी अटक होण्याची शक्यता व्यक्त केली जात आहे.
तर दुसरीकडे. अटकपूर्व जामिनासाठी प्रशांत कोरटकरने (Prashant Koratkar Threat Case) मुंबई उच्च न्यायालयाच्या (Bombay High Court) नागपूर खंडपीठात अर्ज करणार असल्याची माहिती पुढे आली आहे. प्रशांत कोरटकर हा गेल्या 25 फेब्रुवारी पासून फरार असून अटकपूर्व जमीन मंजूर असतांना देखील प्रशांत कोरटकर आपली बाजू मांडायला व आवाजाचे नमुने द्यायला पोलिसांपुढे पुढे आला नाही हे विशेष आहे. इतिहासकार इंद्रजित सावंत यांना शिवीगाळ करतांना छत्रपती शिवाजी महाराजांचा अपमान केल्याचा आरोप प्रशांत कोरटकरवर आहे.
कोरटकरला कुठल्याही क्षणी अटक होणार?
या प्रकरणी कोल्हापूर नागपूरमध्ये या संदर्भात गुन्हा देखील दाखल झाला आहे. अशातच आता अटकपूर्व जामीन रद्द झाल्यानंतर कोल्हापूर पोलिसांचे दोन पथक प्रशांत कोरटकरच्या मागावर आहे. कोल्हापूर पोलिसांचे पथक नागपूरच्या दिशेने रवाना झाले आहे. मात्र अटकपूर्व जामीन फेटाळला शिवाय सात दिवसांची मुदतवाढ सुद्धा नाकारली असली तरी सुद्धा प्रशांत कोरटकर पोलिसांना शरण आलेला नसल्याने अनेकांनी प्रश्नचिन्ह उपस्थित केले आहे. दरम्यान त्याचा शोध घेण्यासतही पोलिसांच्या हालचाली सुरू करण्यात आल्या आहे. मात्र यावेळी तरी कोल्हापूर पोलिसांना प्रशांत कोरटकरचा माघमुस लागतो का हे पहावं लागणार आहे.
कोरटकरच्या अंतरिम जामिनावर 17 मार्च रोजी युक्तिवाद झाला होता. यावेळी इंद्रजित सावंत यांची बाजू वकील असीम सरोदे यांनी मांडली होती. सरकारी वकील विवेक शुक्ल यांनीदेखील जोरदार युक्तिवाद केला होता. स्वातंत्र्य म्हणजे स्वैराचार नाही. गुन्हा दाखल होताच कोरकटर तो माझा आवाज नाही म्हणत फरार झाला, असे न्यायालयाच्या निदर्शनास आणून दिले. तर आरोपी प्रशांत कोरटकर याची बाजू वकील सौरभ घाग यांनी मांडली.
इतर महत्वाच्या बातम्या
महत्त्वाच्या बातम्या
